BSNL: వినియోగదారులకు షాక్.. సూపర్ హిట్ ప్లాన్స్‭ను తర్వలో నిలిపేయనున్న బిఎస్‭ఎన్‭ఎల్

BSNL: భారత్ సంచార్ నిగమ్ లిమిటెడ్ (BSNL) తన కోట్లాది మంది కస్టమర్లకు షాక్ ఇవ్వబోతోంది. బిఎస్‭ఎన్‭ఎల్ తన కొన్ని ప్రీపెయిడ్ ప్లాన్‌లను మూసివేయబోతోంది. బిఎస్‭ఎన్‭ఎల్ లో సూపర్‌హిట్‌గా నిలిచిన రూ. 201, రూ. 797, రూ. 2,999 ప్లాన్లు ఫిబ్రవరి 10 నుండి అందుబాటులో ఉండవు. కాబట్టి, ఈ ప్లాన్‌ల ప్రయోజనాలను పొందాలనుకుంటే వినియోగదారులు ఫిబ్రవరి 10 లోపు రీచార్జ్ చేసుకోవాలి. ఈ ప్లాన్‌ల స్పెషాలిటీ ఏమిటో వివరంగా తెలుసుకుందాం.

Also Read: Brown Sugar: షుగర్ వ్యాధిగ్రస్తులు తీపికోసం ప్రత్యాయంగా వీటిని వాడితే సరి!

BSNL రూ. 201 ప్లాన్ వాలిడిటీ 90 రోజులు. రూ.201 ప్లాన్‌లో 300 నిమిషాల కాలింగ్, 6GB డేటా అందుబాటులో ఉంటుంది. ఇది తప్ప, ఈ ప్లాన్‌లో ఇతర ప్రయోజనం లేదు. సిమ్‌ను ఎక్కువ కాలం యాక్టివ్‌గా ఉంచడానికి ఇది బిఎస్‭ఎన్‭ఎల్ ఉత్తమ ప్లాన్.

BSNL రూ.797 ప్లాన్ 300 రోజులు. అంటే మీ మొబైల్ 300 రోజుల పాటు యాక్టివ్‌గా ఉంటుంది. BSNL యొక్క రూ. 797 ప్లాన్‌లో, అన్ని ప్రయోజనాలు 60 రోజులు మాత్రమే అందుబాటులో ఉంటాయి. 60 రోజుల్లో అపరిమిత కాలింగ్, రోజుకు 2GB డేటా, 100 SMS ఉచితంగా లభిస్తాయి. ఆ తర్వాత ఈ ప్రయోజనాలన్నీ అందుబాటులో లేవు. సిమ్ మాత్రమే యాక్టివ్‌గా ఉంటుంది.

BSNL రూ. 2,999 ప్లాన్ ఒక పూర్తి సంవత్సరం చెల్లుబాటుతో వస్తుంది. ఈ ప్లాన్ కింద ప్రతిరోజూ 3BG డేటా అందుబాటులో ఉంది. దీనితో పాటు, అపరిమిత కాలింగ్, రోజుకు 100 SMS ల ప్రయోజనం అందుబాటులో ఉంది. డేటా, కాలింగ్ అవసరమయ్యే వినియోగదారులకు ఈ ప్లాన్ ఉత్తమమైనది. ప్రతి నెలా రీచార్జ్ చేసుకోకుండా ఏకంగా ఏడాది మొత్తం రీఛార్జ్ చేసుకోవాలనేవారికి ఇది ఎంతగానో మేలు చేకూరుతుంది.

Also Read: SamyukthaMenon : చూడ చక్కని ‘సంయుక్త మీనన్’ మనసు దోచెన్

ఇకపోతే, BSNL వినియోగదారులు ఈ ప్లాన్‌ల ప్రయోజనాలను పొందాలనుకుంటే ఫిబ్రవరి 10 లోపు రీచార్జ్ చేసుకోవాలి. ఈ తేదీ తర్వాత ఈ ప్లాన్‌లు అందుబాటులో ఉండవు. ఒకసారి రీఛార్జ్ చేసుకుంటే, ప్లాన్ కాలపరిమితి వరకూ మీరు దీని ప్రయోజనాలను పొందవచ్చు. కాబట్టి BSNL వినియోగదారులు త్వరగా నిర్ణయం తీసుకుని తమకు అవసరమైన ప్లాన్‌ను రీఛార్జ్ చేసుకోవడం మంచిది. BSNL నుంచి మరిన్ని అప్‌డేట్‌లు రావడానికి వేచిచూడాలి.