Bala Krishna : బాలయ్య సినిమాలో బాలీవుడ్ స్టార్.. మామూలుగా ఉండదైతే

Bala Krishna : నటసింహం బాలకృష్ణ వెండితెరపై మెరుపులు మెరిపిస్తూనే.. బుల్లి తెరపై సందడి చేస్తున్నారు. అఖండ సినిమాతో ఫుల్ జోష్ లో ఉన్న బాలయ్య త్వరలో వీర సింహారెడ్డిగా రాబోతున్నారు. ఈ సినిమాను గోపీచంద్ మలినేని డైరెక్షన్ చేస్తున్నారు. ఇటీవల విడుదలైన ట్రైలర్ సినిమాపై భారీ అంచనాలను పెంచేసింది. ఇందులో బాలయ్య సరసన విశ్వనటుడు కమల్ హాసన్ కుమార్తె శృతిహాసన్ హీరోయిన్ గా నటిస్తోంది. ప్రస్తుతం ఈ సినిమా షూటింగ్ శరవేగంగా జరుగుతుంది. ఎప్పుడూ యాక్షన్ చిత్రాలతో ఆడియన్స్ ను అలరించిన బాలయ్య.. తనదైన కామెడీ టైమింగ్‏తో ఆహా ఓటీటీలో అన్‏స్టాపబుల్ టాక్ షో ద్వారా ప్రేక్షకులను ఆకట్టుకుంటున్నారు.

Read Also: 29Years Back KTR Bike: 29 ఏళ్ల క్రితం కేటీఆర్ కాలేజీకి ఏ బైక్ పై వెళ్లే వారో తెలుసా !

తాజాగా మరో బాలీవుడ్ స్టార్ బాలయ్య సినిమాతో తెలుగు తెరకు పరిచయం కాబోతున్నారట. డైరెక్టర్ అనిల్ రావిపూడి దర్శకత్వంలో బాలయ్య సినిమా చేయనున్న సంగతి తెలిసిందే. తాజా సమాచారం ప్రకారం ఈ సినిమాలో పవర్ ఫుల్ విలన్ పాత్ర కోసం.. బాలీవుడ్ స్టార్ బాబీ డిఓల్‎తో చర్చలు జరిపారట. ఇక ప్రతినాయకుడి పాత్ర కోసం బాబీ కూడా అంగీకరించినట్లుగా సమాచారం. ఇప్పటికే స్క్రిప్ట్ వర్క్ పూర్తయిన ఈ సినిమా షూటింగ్ త్వరలోనే ప్రారంభం కానుంది. ఇందుకు సంబంధించిన అధికారిక ప్రకటన త్వరలోనే రానున్నట్లు తెలుస్తోంది.