Bhuvneshwar Kumar: స్వింగ్ కింగ్ ‘భూవీ’ ఈజ్ బ్యాక్.. టీమిండియాకు రీఎంట్రీ ఖాయమేనా..!

Bhuvneshwar Kumar: ఐపీఎల్ 2026లో రాయల్ ఛాలెంజర్స్ బెంగళూరు (RCB) జట్టు మరో ఉత్కంఠభరితమైన కీలక విజయాన్ని అందుకుంది. రాయ్‌పూర్ వేదికగా ముంబై ఇండియన్స్‌తో జరిగిన చివరి బంతి థ్రిల్లర్లో విజయం సాధించిన RCB పాయింట్ల పట్టికలో అగ్రస్థానానికి చేరుకుంది. అయితే ఈ మ్యాచ్‌లో అందరి దృష్టిని ఆకర్షించింది సీనియర్ ప్లేయర్ భువనేశ్వర్ కుమార్ ప్రదర్శనే. అవును.. ఒకవైపు బ్యాట్ తో, మరోవైపు బాల్‌తో అద్భుత ప్రదర్శన చేసిన భువీ.. “స్వింగ్ కింగ్ ఈజ్ బ్యాక్” అనేలా తన క్లాస్‌ను మరోసారి చూపించాడు. ప్రస్తుతం ఐపీఎల్ 2026లో 21 వికెట్లతో పర్పుల్ క్యాప్‌ ముందున్న భువీ.. టీమిండియాలోకి రీఎంట్రీకి బలమైన సంకేతాలు ఇస్తున్నాడు.

మ్యాచ్ చివరి ఓవర్‌లో RCB విజయానికి 15 పరుగులు అవసరమయ్యాయి. క్రీజ్‌లో రొమారియో షెపర్డ్, రసిక్ సలామ్ దర్ ఉన్నారు. యువ బౌలర్ రాజ్ బావా ఒత్తిడిలో అద్భుత బౌలింగ్ చేయడంతో మ్యాచ్ ముంబై వైపు మళ్లినట్లు కనిపించింది. చివరి మూడు బంతుల్లో 9 పరుగులు అవసరమైన సమయంలో క్రీజ్‌లోకి వచ్చిన భువనేశ్వర్ కుమార్ అసలు మ్యాజిక్ చూపించాడు. వైడ్ యార్కర్‌ గా వచ్చిన బంతిని అద్భుతంగా డీప్ కవర్ మీదుగా సిక్స్‌ గా మలిచిన భువీ.. మ్యాచ్‌ను ఒక్కసారిగా RCB వైపు తిప్పేశాడు.

మరోవైపు బౌలింగ్‌లో కూడా భువీ అదరగొట్టాడు. 4 ఓవర్లలో కేవలం 23 పరుగులు మాత్రమే ఇచ్చి 4 కీలక వికెట్లు పడగొట్టాడు. ముఖ్యంగా ముంబై టాప్ ఆర్డర్‌ను కుదేలు చేస్తూ రయాన్ రికెల్టన్, రోహిత్ శర్మ, సూర్యకుమార్ యాదవ్ వికెట్లు వరుసగా తీసి ప్రత్యర్థిని తీవ్ర ఒత్తిడిలోకి నెట్టాడు. భూవీ దెబ్బకు మూడు ఓవర్లకే ముంబై స్కోర్ 28/3గా మారింది. మొత్తంగా అద్భుత ప్రదర్శనకు గాను ‘ప్లేయర్ ఆఫ్ ది మ్యాచ్ అవార్డు’ కూడా లభించింది. అయితే మ్యాచ్ అనంతరం భువీ చేసిన వ్యాఖ్యలు అభిమానులను ఆకట్టుకున్నాయి.

A gentle reminder that true greatness is built on discipline 🫡

🎥 Bhuvneshwar Kumar with words of wisdom 🗣️#TATAIPL | #KhelBindaas | #RCBvMI | @RCBTweets | @BhuviOfficial pic.twitter.com/6J1N6iT5SW

— IndianPremierLeague (@IPL) May 10, 2026

నాలుగు వికెట్లు తీసిన దానికంటే తాను కొట్టిన సిక్సే ఎక్కువ ఆనందం ఇచ్చిందని నవ్వుతూ అన్నాడు. “వికెట్లు చాలా సార్లు తీశాను. కానీ ఆ సిక్స్ మాత్రం చాలా స్పెషల్. అదే నాకు ఎక్కువ ఎంజాయ్మెంట్ ఇచ్చింది” అని భువనేశ్వర్ అన్నారు. ఇంకా రోహిత్ శర్మ వికెట్ గురించి మాట్లాడుతూ.. “రోహిత్ ముందుకొచ్చి ఆడతాడని ముందే ఊహించాను. గతంలో కూడా నాపై అలా ఆడాడు. సూర్యకుమార్ కొత్తగా క్రీజ్‌ లోకి రావడంతో సాధారణ లెంగ్త్ బంతి వేయాలని అనుకున్నా. అది సక్సెస్ అయింది” అని తెలిపాడు.

ఇక టీమిండియాలోకి తిరిగి రావాలనే విషయంపై కూడా భువీ ఆసక్తికర వ్యాఖ్యలు చేశాడు. మోటివేషన్ కంటే క్రమశిక్షణే తనను ముందుకు నడిపిస్తుందని తన సీక్రెట్ ను చెప్పకనే చెప్పాడు. “మోటివేషన్ అనేది కొన్ని నిమిషాలే ఉంటుంది. వీడియోలు చూసి, కోట్స్ చదివి వచ్చే ఉత్సాహం త్వరగా పోతుంది. కానీ నన్ను నడిపించేది డిసిప్లిన్” అని భువనేశ్వర్ కుమార్ చెప్పుకొచ్చాడు. 2022 తర్వాత భారత జట్టుకు దూరంగా ఉన్న భువీ.. ఇప్పుడు ఐపీఎల్‌లో చూపిస్తున్న ఫామ్ చూస్తే టీమిండియాలోకి అతడి రీఎంట్రీ ఖాయమనే అభిప్రాయాలు వ్యక్తమవుతున్నాయి.

The shot that tilted the game RCB's way 🙌🙌🙌

P.S.: The last time Bhuvneshwar Kumar hit a six in the IPL was in 2016 against Rising Pune Supergiants 😅 #IPL2026 #RCBvMI pic.twitter.com/5Bxs3nxv1x

— Cricbuzz (@cricbuzz) May 10, 2026

Everyone doubted RCB's decision to spend 10 crores+ on aging Bhuvneshwar Kumar & now he made RCB champion in his very debut season & now best pacer of this tournament. Even 25 crores on Bhuvneshwar Kumar would be justified at this point!
pic.twitter.com/ev0s2XTJYh

— Rajiv (@Rajiv1841) May 10, 2026