Balakrishna: రాయలసీమలో రచ్చ చేస్తున్న బాలయ్య..

Balakrishna Campaigns Going Viral in Social Media: నందమూరి బాలకృష్ణ ఒక పక్క సినిమాలు చేస్తూనే మరో పక్క రాజకీయాలు చేస్తూ బిజీ బిజీగా గడుపుతున్న సంగతి తెలిసిందే. ప్రస్తుతానికి ఆయన బాబి దర్శకత్వంలో ఒక సినిమా చేస్తున్నాడు. అయితే ఆంధ్రప్రదేశ్ లో 2024 సార్వత్రిక ఎన్నికలతో పాటు లోక్ సభ ఎన్నికలు కూడా జరుగుతున్న నేపథ్యంలో ఆయన స్టార్ క్యాంపెనర్ గా మారి పార్టీని, పార్టీ హామీలను ప్రజల్లోకి తీసుకు వెళ్లే ప్రయత్నం చేస్తున్నారు. నిజానికి బాలకృష్ణ హిందూపురం నియోజకవర్గం నుంచి ఎమ్మెల్యేగా రెండుసార్లు గెలిచి మూడోసారి మరోసారి బరిలోకి దిగారు.. అయితే ఆయన తన నియోజకవర్గంలో పాటు రాయలసీమలోనూ అనేక నియోజకవర్గాలలో రోడ్షోలు చేస్తూ పార్టీని ప్రజల్లోకి తీసుకువెళ్లే ప్రయత్నం చేస్తున్నారు. అయితే ఈ క్రమంలో బాలకృష్ణ సందడి సోషల్ మీడియాలో హాట్ టాపిక్ అవుతోంది.

Anjana Arjun : యాక్షన్ కింగ్ అర్జున్ 2వ కూతుర్ని చూశారా.. ఈమె కూడా హీరోయిన్ మెటీరియలే?

ఈ వయసులో కూడా ఏ మాత్రం వెనక్కి తగ్గకుండా ఈ ఎండల్లో ఏ మాత్రం అలుపు లేకుండా ఎనర్జీతో ఆయన పార్టీని ప్రమోట్ చేస్తున్న విధానం చూసి అభిమానులు ఏదైనా బాలయ్య తర్వాతే అంటూ కామెంట్స్ చేస్తున్నారు. సినీ ఫక్కీలో మైకులు గాల్లో ఎగరేస్తూ, సినీ డైలాగులు కొడుతూ పంచ్ డైలాగులు పేలుస్తూ బాలకృష్ణ రోడ్ షోలు సాగుతున్నాయి. తాను మరోసారి గెలవడం మాత్రమే కాదు తన వల్ల కొన్ని సీట్లను గెలిపించే ప్రయత్నం నందమూరి బాలకృష్ణ చేస్తున్నారు. ఇక నందమూరి బాలకృష్ణ ప్రచారం చేస్తున్న వీడియోలు, ఫోటోలు అయితే సోషల్ మీడియాలో కూడా వైరల్ అవుతున్నాయి. అయితే మధ్య మధ్యలో అతిగా ప్రవర్తించే కొంతమంది అభిమానుల మీద కూడా ఆయన చేయి చేసుకుంటున్నారు. ఆ విషయం మాత్రం నెగిటివ్ గా ప్రజల్లోకి వెళ్లే అవకాశం కనిపిస్తోంది. మొత్తం మీద బాలకృష్ణ ప్రచారం అయితే అటు టిడిపి వర్గాలతో పాటు వైసీపీ వర్గాల్లో కూడా హార్ట్ టాపిక్ అవుతుందని చెప్పక తప్పదు.