AUS vs NZ: ఉత్కంఠభరిత పోరులో ఆస్ట్రేలియా విజయం.. 5 పరుగుల తేడాతో న్యూజిలాండ్పై గెలుపు

AUS vs NZ: ఉత్కంఠభరిత పోరులో న్యూజిలాండ్ పై ఆస్ట్రేలియా విజయం సాధించింది. 5 పరుగుల తేడాతో ఆసీస్ గెలుపొందింది. చివర్లో జిమ్మీ నీషమ్ (58) దూకుడుగా ఆడినప్పటికీ చివరి ఓవరల్ రనౌట్ రూపంలో వెనుతిరిగాడు. నిర్ణీత 50 ఓవర్లలో న్యూజిలాండ్ 383/9 పరుగులు చేసింది. అటు న్యూజిలాండ్ జట్టులో రచిన్ రవీంద్ర (116) సెంచరీతో చెలరేగాడు. ఆ తర్వాత డేరిల్ మిచెల్ (54), టామ్ లాథమ్ (21), విల్ యంగ్ (32) పరుగులు చేశారు. ఇక ఆసీస్ బౌలింగ్ లో ఆడం జంపా 3 వికెట్లు తీయగా.. జోష్ హేజిల్ ఉడ్, ప్యాట్ కమిన్స్ తలో రెండు వికెట్లు తీశారు. మ్యాక్స్ వెల్ ఒక వికెట్ సాధించాడు.

Read Also: Pune: హాట్ కేకుల్లా అపార్ట్మెంట్లు.. కొనేందుకు 8 గంటల పాటు క్యూలో పడిగాపులు.. వీడియో వైరల్..

అంతకుముందు బ్యాటింగ్ చేసిన ఆస్ట్రేలియా జట్టు నిర్ణీత 50 ఓవర్లలో 388/10 పరుగులు చేసింది. ఓపెనర్లు డేవిడ్ వార్నర్(81), ట్రేవిస్ హెడ్ (109) పరుగులు చేసి మంచి భాగస్వామ్యాన్ని అందించారు. ఆ తర్వాత మిచెల్ మార్ష్ (36), స్మిత్ (18), లంబుషేన్ (18), మ్యాక్స్ వెల్ (41), ఇంగ్లీస్ (38), కమ్మిన్స్ 37 పరుగులు చేశారు. ఆసీస్ బ్యాట్స్ మెన్లలో అందరూ రాణించడంతో న్యూజిలాండ్ ముందు భారీ టార్గెట్ ను ఉంచారు.

Read Also: Bopparaju: కావాలిలో ఆర్టీసీ డ్రైవర్లపై దాడి చేసిన వారిని అరెస్ట్ చేయాలి

ఇక న్యూజిలాండ్ బౌలింగ్ లో బౌల్ట్, ఫిలిప్స్ 3 వికెట్లు తీశారు. సాంథ్నర్ 2 వికెట్లు తీయగా.. హెన్రీ, నీష్ తలో వికెట్ సాధించారు. ఎట్టకేలకు ఆస్ట్రేలియా జట్టు వరుసగా 4 మ్యాచ్ ల్లో గెలవగా.. న్యూజిలాండ్ బ్యాక్ టు బ్యాక్ రెండు మ్యాచ్ ల్లో ఓడిపోయింది.