Anil Sunkara: అనిల్ సుంకర సరికొత్త ప్రయోగం.. ‘ఎయిర్‌ఫోర్స్–బెజవాడ బ్యాచ్’ స్టార్ట్

Anil Sunkara: టాలీవుడ్‌లో వైవిధ్యమైన చిత్రాలను నిర్మిస్తూ, కంటెంట్‌కు పట్టం గట్టే నిర్మాతగా పేరు తెచ్చుకున్న అనిల్ సుంకర మరో వినూత్న అడుగు వేశారు. ప్రతిభ ఉన్న కొత్త వాళ్లను వెండితెరకు పరిచయం చేయడమే లక్ష్యంగా ఆయన ఇప్పటికే ‘షో టైమ్-సినిమా తీద్దాం రండి’ అనే రియాలిటీ షోను ప్రారంభించి సంచలనం సృష్టించిన సంగతి తెలిసిందే. ఈ విజన్‌ను మరింత ముందుకు తీసుకెళ్తూ, తాజాగా ఒక క్రేజీ ఫీచర్ ఫిల్మ్‌ను అనౌన్స్ చేశారు.

READ ALSO: Ugadi 2026: ‘ఉగాది పచ్చడి’.. ఆరు రుచుల ప్రాముఖ్యత ఏంటో తెలుసా?

ఏటీవీ ఒరిజినల్స్‌ బ్యానర్‌పై ‘ఎయిర్‌ఫోర్స్’
ఏటీవీ ఒరిజినల్స్‌ (ATV Originals) బ్యానర్‌పై పూర్తిగా కొత్త నటీనటులు, సాంకేతిక నిపుణులతో రూపొందనున్న ఈ చిత్రానికి ‘ఎయిర్‌ఫోర్స్–బెజవాడ బ్యాచ్’ (AIRFORCE – Bezawada Batch) అనే ఆసక్తికరమైన టైటిల్‌ను ఖరారు చేశారు. ఈ ఉగాది పర్వదినాన్ని పురస్కరించుకుని చిత్ర బృందం ఒక స్పెషల్ అప్‌డేట్‌ను పంచుకుంది. ఈ సినిమా ద్వారా అనిల్ కైవల్య అనే కొత్త దర్శకుడిని టాలీవుడ్‌కు పరిచయం చేస్తున్నారు. “కొత్త ఏడాది.. కొత్త ఆరంభం.. కొత్త కెప్టెన్” అంటూ చిత్ర యూనిట్ సోషల్ మీడియా వేదికగా ఈ ప్రాజెక్ట్‌ను అధికారికంగా ప్రకటించింది. ఈ చిత్రాన్ని ఏకే ఎంటర్‌టైన్‌మెంట్స్, ఏటీవీ ఒరిజినల్స్ సంయుక్తంగా నిర్మిస్తున్నాయి. ఈ చిత్రం గురించి మరిన్ని వివరాలు త్వరలోనే వెల్లడి చేయనున్నట్లు మేకర్స్ తెలిపారు.

READ ALSO: HDFC బ్యాంక్ ఛైర్మన్ సంచలన రాజీనామా.. ఆందోళనలో ఇన్వెస్టర్లు