Chicken Pickle Recipe: 4 నెలలు పాడవకుండా ఉండే ఆంధ్ర స్టైల్ స్పైసీ ‘చికెన్ పచ్చడి’.. ఒకసారి తింటే మళ్లీ మళ్లీ తినాలినిపించేలా చేయండి ఇలా.!
- Follow Us :
-
-
Add as a preferred
source on google
Chicken Pickle Recipe: చికెన్తో చేసే వంటకాల్లో ‘చికెన్ పచ్చడి’ ఎంతో ప్రత్యేకమైన రుచిని కలిగి ఉంటుంది. వేడి వేడి అన్నంలో కొద్దిగా చికెన్ పచ్చడి వేసుకుంటే ఆ రుచే వేరు. ముఖ్యంగా సరైన విధానంలో తయారు చేస్తే ఈ పచ్చడి నాలుగు నెలల వరకు కూడా పాడవకుండా తాజాగా ఉంటుంది. ఇప్పుడు ఇంట్లోనే సులభంగా, హోటల్ స్టైల్లో చికెన్ పచ్చడి ఎలా తయారు చేసుకోవాలో తెలుసుకుందాం.
కావలసిన పదార్థాలు:
చికెన్ మారినేషన్ కోసం..
* బోన్లెస్ చికెన్ – అర కేజీ
* ఉప్పు – 1 టీ స్పూన్
* పసుపు – ¼ టీ స్పూన్
పచ్చడి కోసం..
* నూనె – 1 కప్పు (సుమారు 150 ml)
* అల్లం వెల్లుల్లి పేస్ట్ – 1 టేబుల్ స్పూన్
* కారం – ¼ కప్పు
* ఉప్పు – ¼ కప్పు
* నిమ్మకాయలు – 2
మసాలా పొడి కోసం..
* దాల్చిన చెక్క – 1 ఇంచ్ ముక్క
* యాలకులు – 2
* లవంగాలు – 5 నుంచి 6
* ధనియాలు – 2 టేబుల్ స్పూన్లు
* ఆవాలు – 1 టేబుల్ స్పూన్
* జీలకర్ర – ½ టేబుల్ స్పూన్
* మెంతులు – ¼ టేబుల్ స్పూన్
Also Read
- CM Revanth Reddy : ప్రజాస్వామ్యాన్ని కాపాడుకునేందుకు రాహుల్ గాంధీ నాయకత్వంలో ఏకమవుదాం
- BM Sandeep : తెలంగాణ కాంగ్రెస్ కొత్త ఇన్ఛార్జ్గా బీఎం సందీప్ నియామకం
- Mohit Ulva: చివరి బంతికి కావాల్సింది 3 పరుగులు.. ఆ టైంలో నేను చేసింది ఇదే..
- Shehbaz Sharif: 2050 నాటికి ఆరో అతిపెద్ద ఆర్థిక వ్యవస్థగా పాకిస్థాన్.. అప్పుల ఊబిలో ఉన్నా భారీ లక్ష్యం!
తయారీ విధానం:
చికెన్ మారినేట్:
మొదట బోన్లెస్ చికెన్ను చిన్న ముక్కలుగా కట్ చేసి శుభ్రంగా కడగాలి. తర్వాత ఒక బౌల్లో వేసి అందులో ఉప్పు, పసుపు కలపాలి. ఈ మిశ్రమం చికెన్ ముక్కలకు బాగా పట్టేలా కలిపి సుమారు 15 నిమిషాల పాటు మారినేట్ చేయాలి. ఇలా చేయడం వల్ల చికెన్కు మంచి రుచి వస్తుంది.
మసాలా పొడి తయారీ:
ఒక పాన్లో దాల్చిన చెక్క, యాలకులు, లవంగాలు వేసి స్వల్పంగా వేయించాలి. తర్వాత ధనియాలు, ఆవాలు, జీలకర్ర, మెంతులు వేసి లో ఫ్లేమ్పై రెండు నుంచి మూడు నిమిషాల పాటు మంచి వాసన వచ్చే వరకు వేయించాలి. వీటిని పూర్తిగా చల్లారనిచ్చి మిక్సీలో వేసి మెత్తని పొడిలా చేసుకోవాలి. ఈ మసాలా పొడే చికెన్ పచ్చడికి ప్రత్యేకమైన రుచిని ఇస్తుంది.
చికెన్ను క్రిస్పీగా ఫ్రై:
స్టవ్పై కడాయి పెట్టి అందులో నూనె వేడి చేయాలి. నూనె వేడయ్యాక మారినేట్ చేసిన చికెన్ ముక్కలను వేసి మధ్యస్థ మంటపై వేయించాలి. మొదట చికెన్ లోని నీరు బయటకు వస్తుంది. తర్వాత నెమ్మదిగా చికెన్ గోల్డెన్ బ్రౌన్ కలర్ వచ్చి పై భాగం క్రిస్పీగా మారుతుంది. చికెన్ పూర్తిగా క్రిస్పీగా అయ్యే వరకు వేయించడం చాలా ముఖ్యం. లేదంటే పచ్చడి త్వరగా పాడైపోయే అవకాశం ఉంటుంది. వేయించిన చికెన్ను ఒక బౌల్లోకి తీసి పెట్టుకోవాలి.
పచ్చడి తయారీ:
అదే నూనెలో అల్లం వెల్లుల్లి పేస్ట్ వేసి పచ్చివాసన పోయే వరకు రెండు నుంచి మూడు నిమిషాలు వేయించాలి. తర్వాత వేయించి పెట్టుకున్న చికెన్ ముక్కలను మళ్లీ అందులో వేసి కలపాలి. ఇప్పుడు తయారు చేసి పెట్టుకున్న మసాలా పొడిలో ఒకటిన్నర టేబుల్ స్పూన్లు వేసుకోవాలి. తర్వాత కారం, ఉప్పు వేసి బాగా కలుపుకోవాలి. సన్నని మంటపై ఐదు నిమిషాల పాటు కలుపుతూ ఉంచాలి. ఈ సమయంలో పచ్చడి పైకి నురుగు రావడం ప్రారంభమవుతుంది. ఆలా వచ్చిన తర్వాత స్టవ్ ఆఫ్ చేసి పచ్చడిని పూర్తిగా చల్లారనివ్వాలి. పూర్తిగా చల్లారిన తర్వాత రెండు నిమ్మకాయల రసం పిండాలి. నిమ్మరసం వేసిన తర్వాత మరోసారి బాగా కలపాలి.
నిల్వ చేసే విధానం:
తయారైన చికెన్ పచ్చడిని పూర్తిగా చల్లారిన తర్వాత గాజు సీసాలో నిల్వ చేయాలి. ఇలా నిల్వ చేస్తే ఫ్రిజ్లో పెట్టకుండానే నాలుగు నెలల వరకు తాజాగా ఉంటుంది. రుచికరమైన ఈ చికెన్ పచ్చడిని మీరు కూడా ఇంట్లో ట్రై చేసి వేడి అన్నంతో ఆస్వాదించండి.
తాజావార్తలు
-
Koti Deepotsavam 2026 Day-1 Live: కైలాసాన్ని తలపించే వేదిక.. కోటి దీపోత్సవంలో తొలిరోజు విశేషాలివే.!
-
Ramayana : రామాయణ బ్రేక్ ఈవెన్ టార్గెట్ ఎంత
-
Raghubabu : నాన్న చివరి కోరిక తీర్చడానికే ఆ హడావిడి.. అందరికీ క్షమాపణలు చెప్పిన రఘుబాబు!
-
Meesho: సోమవారం మీషో షేర్లపైనే అందరి కళ్లు.. రూ. 1,885 కోట్ల వాటా అమ్మేసిన సాఫ్ట్బ్యాంక్!
-
CM Revanth Reddy : ప్రజాస్వామ్యాన్ని కాపాడుకునేందుకు రాహుల్ గాంధీ నాయకత్వంలో ఏకమవుదాం
-
Daredevil: ఆ క్రేజీ సినిమా షూటింగ్పై శ్రీలీల సాలిడ్ అప్డేట్!
ట్రెండింగ్
-
Virat Kohli: విరాట్ కోహ్లీ ఖాతాలో చెత్త రికార్డు.. మొదటి బ్యాటర్గా.. మరీ తక్కువ మ్యాచ్ల్లోనే!
-
India All Out List: వన్డేల్లో టీమిండియాకు ఘోర పరాభవం.. 100 లోపే భారత్ ఇన్నిసార్లు ఆలౌట్ అయిందా?
-
Children’s Day 2026 : మార్కుల వేట వద్దు.. పిల్లల్లో క్రియేటివిటీ పెంచండి
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!