Heavy Rains : అలర్ట్.. రాష్ట్ర వ్యాప్తంగా భారీ వర్షలు.. అప్రమత్తమైన ప్రభుత్వం
- రాష్ట్ర వ్యాప్తంగా కురుస్తున్న వర్షాలు
- విపత్తు నిర్వహణ సంస్థ ఎండీకి హోంమంత్రి ఫోన్
- తాజా పరిస్థితిపై ఆరా తీసిన హోంమంత్రి అనిత
- కలెక్టర్లు, ఎస్పీలను అప్రమత్తం చేసిన హోంమంత్రి
- లోతట్టు ప్రాంతాల ప్రజలను అప్రమత్తం చెయ్యాలని సూచన
- Follow Us :
-
-
Add as a preferred
source on google
రాష్ట్రవ్యాప్తంగా కురుస్తున్న వర్షాల నేపథ్యంలో ఏపీ ప్రభుత్వం అప్రమత్తమైంది. వాతావరణ పరిస్థితులను దృష్టిలో ఉంచుకొని హోంమంత్రి తానేటి అనిత తక్షణమే స్పందించారు. ఈ సందర్భంగా రాష్ట్ర విపత్తు నిర్వహణ సంస్థ ఎండీ రోణంకి కూర్మనాథ్తో ఫోన్లో మాట్లాడి తాజా పరిస్థితిపై సమాచారం తీసుకున్నారు. రాష్ట్రంలోని అన్ని జిల్లాల కలెక్టర్లు, ఎస్పీలను అప్రమత్తం చేస్తూ తగిన జాగ్రత్తలు తీసుకోవాలని ఆదేశించారు. ముఖ్యంగా లోతట్టు ప్రాంతాల్లో నివసించే ప్రజలను ముందస్తుగా అప్రమత్తం చేసి, అవసరమైతే సురక్షిత ప్రాంతాలకు తరలించాలని సూచించారు.
సహాయక చర్యలు చేపట్టేందుకు అధికార యంత్రాంగం సిద్ధంగా ఉండాలని హోంమంత్రి స్పష్టమైన ఆదేశాలు జారీ చేశారు. వర్షాల కారణంగా ప్రజలకు ఎలాంటి అసౌకర్యం కలగకుండా చూడాలని ఆమె అధికారులను ఆదేశించారు. తాగునీరు, విద్యుత్ వంటి అవసరమైన సేవల సరఫరాలో ఎలాంటి అంతరాయం ఏర్పడకుండా తీసుకోవాల్సిన చర్యలను ఆమె సూచించారు.