Anant-Radhika Pre-Wedding: ఖరీదైన క్రూయిజ్ షిప్‌లో అనంత్-రాధికల ప్రీ-వెడ్డింగ్.. 4 రోజుల పాటు గ్రాండ్‌గా ఫంక్షన్స్!

Anant-Radhika Pre-Wedding Invitation Card Goes Viral: అనంత్ అంబానీ, రాధికా మర్చంట్‌ల రెండో ప్రీ వెడ్డింగ్ సెలెబ్రేషన్స్ నేటి నుంచి ఆరంభం కానున్నాయి. 7000 కోట్ల విలువైన లగ్జరీ క్రూయిజ్ షిప్‌లో 4 రోజుల పాటు గ్రాండ్‌గా ఫంక్షన్స్ జరగనున్నాయి. ఇటలీ నుంచి ఫ్రాన్స్ మధ్య 4,000 కిలోమీటర్లకు పైగా క్రూయిజ్ షిప్‌ ప్రయాణిస్తుంది. దాంతో అతిథులు యూరోపియన్, మధ్యధరా సముద్ర అందాలను బాగా ఎంజాయ్ చేయనున్నారు. అనంత్-రాధికల ప్రీ-వెడ్డింగ్ బాష్‌కి సంబందించిన ఓ ఇన్విటేషన్ కార్డ్ సోషల్ మీడియాలో వైరల్ అయింది.

అనంత్-రాధిక రెండో ప్రీ వెడ్డింగ్ ఇన్విటేషన్ కార్డ్‌పై బోల్డ్ లెటర్స్‌లో ‘లా విట్ ఈ అన్ వియాజియో’ అని రాసుంది. అంటే ‘లైఫ్ ఈజ్ ఎ జర్నీ’ అని అర్ధం. ప్రీ వెడ్డింగ్ ఈవెంట్‌ని ఇటలీ, ఫ్రాన్స్‌లలో నిర్వహించనున్నట్లు కార్డ్‌పై ఉంది. ఈ వేడుక మే 29 మొదలై.. జూన్ 1 వరకు జరుగుతుంది. ఈ ప్రీ వెడ్డింగ్ వేడుక మొదటి రోజున ‘పార్టీ వెల్‌కమ్ లంచ్’ థీమ్‌తో ప్రారంభమవుతుంది. సాయంత్రం ‘స్టార్రీ నైట్’ థీమ్ ఉంటుంది. రెండో రోజు ‘ఎ రోమన్ హాలిడే’ థీమ్‌తో కొనసాగుతుంది. రెండోరోజు లా డోల్స్ ఫార్ నియంతే, టోగా పార్టీ ఉంటుంది.

Also Read: Sunrisers Hyderabad: ఐపీఎల్‌లో చరిత్ర సృష్టించిన సన్‌రైజర్స్ హైదరాబాద్.. ఎన్నెన్నో రికార్డులు సొంతం!

ఆకాష్ అంబానీ-శ్లోకా మెహతాల కుమార్తె వేద మొదటి పుట్టినరోజు 3వ రోజు జరుపుకుంటారు. రోజు ‘క్షమించు మై ఫ్రెంచ్’ థీమ్‌ ఉంటుంది. ఇక చివరి రోజు థీమ్ ‘లా డోల్స్ వీటా’. ఈ ప్రీ వెడ్డింగ్ కోసం 800 మంది అతిథులు రానున్నారట. ఇందులో బాలీవుడ్ ప్రముఖులు, వ్యాపార దిగ్గజాలు, అంతర్జాతీయ ప్రముఖులు ఉన్నారు. వీరికోసం క్రూయిజ్‌లో 600 మంది ఉద్యోగులు పని చేస్తారట. ఈ పార్టీ కోసం షారుక్ ఖాన్, సల్మాన్ ఖాన్, రణవీర్ సింగ్, రణబీర్ కపూర్, అలియా భట్ వంటి స్టార్స్ వెళ్లారట. అనంత్-రాధిక మొదటి ప్రీ వెడ్డింగ్ జామ్‌నగర్‌లో జరగ్గా.. అంబానీ కుటుంబం రూ.1,259 కోట్లు ఖర్చు చేసిందట. వీరి వివాహం జూలై 12న జియో వరల్డ్ సెంటర్‌లో జరగనున్నది.