Kerala : కేరళలో మరో చిన్నారికి బ్రెయిన్ ఈటింగ్ అమీబా ఇన్ఫెక్షన్.. జాగ్రత్తగా ఉండాలని హెచ్చరిక

Kerala : కేరళలో మరో చిన్నారికి బ్రెయిన్ ఈటింగ్ అమీబా ఇన్ఫెక్షన్ సోకింది. శనివారం పయోలి జిల్లాలోని ఓ ప్రైవేట్ ఆసుపత్రిలో చేరిన 14 ఏళ్ల చిన్నారికి జరిపిన టెస్టుల్లో ఇది తేలింది. కేరళలో ఇది నాలుగో కేసు. ముగ్గురు చిన్నారులు అప్పటికే చనిపోయారు. న్యూఢిల్లీకి చెందిన నేషనల్ సెంటర్ ఫర్ డిసీజ్ కంట్రోల్ (ఎన్‌సిడిసి) రాష్ట్రాలు అప్రమత్తంగా ఉండాలని ఆదేశించింది. ప్రజలు ముఖ్యంగా పిల్లలు నదులు, చెరువులకు దూరంగా ఉండాలని హెచ్చరికలు జారీ చేసింది. మెదడును తినే అమీబా ఇన్‌ఫెక్షన్ వర్షాకాలంలో వేగంగా వ్యాప్తి చెందుతుందని కనుగొన్నట్లు ఎన్‌సిడిసి జారీ చేసిన లేఖలో తెలిపింది. ఈ అమీబా మట్టిలో కనిపిస్తుంది. నదులు లేదా రిజర్వాయర్లలో ఉన్న నీటిలోకి ప్రవేశించడం ద్వారా ఈ అమీబా మానవ శరీరంలోకి చేరుతుంది. కాబట్టి గ్రామాలు, పట్టణాల్లో వీటిపై అవగాహన కల్పించాలని కేరళ ప్రభుత్వం సూచించింది. అందులో పరిపాలనా అధికారుల బాధ్యతను నిర్ణయించాలని పేర్కొంది.

కరోనా కంటే 97 రెట్లు ప్రమాదకరం
ఈ వ్యాధిని అమీబిక్ మెనింగోఎన్సెఫాలిటిస్ (PAM) అని పిలుస్తారు. ఇది నేగ్లేరియా ఫౌలెరీ అనే అమీబా వల్ల వస్తుందని సీనియర్ ఎన్‌సిడిసి అధికారి తెలిపారు. ఇది చాలా ప్రమాదకరమైనది, ఇది కేవలం నాలుగు నుండి 14 లేదా 18 రోజులలో రోగిని చంపగలదు. దీని మరణాల రేటు దాదాపు 98 శాతం, అంటే 100 మంది రోగులలో 98 మంది చనిపోవచ్చు. ఇది కరోనా సంక్రమణ మరణాల రేటుతో పోల్చినట్లయితే, ఇది 10 రెట్లు ఎక్కువ. రాష్ట్రాలు సకాలంలో చర్యలు తీసుకోవడం చాలా ముఖ్యమని ఇది స్పష్టంగా చూపిస్తుంది.

Read Also:Happy Birthday MS Dhoni: కెప్టెన్‌లలో ‘ఎంఎస్ ధోనీ’ వేరే లెవెల్.. టాప్ రికార్డ్స్ ఇవే!

టెస్టుల ద్వారా నిర్ధారణ
కేరళలోని కోజికోడ్, మలప్పురం, కన్నూర్‌లో ముగ్గురు పిల్లలు మరణించారు. మరో జిల్లాలో నాలుగో కేసు నమోదైంది. అన్ని జిల్లాలను అప్రమత్తంగా ఉంచుతూ ఆసుపత్రులకు స్పష్టమైన ఆదేశాలు ఇచ్చినందున ఈ రోగులు కేరళలో ముందుకు వస్తున్నారు. అనుమానిత రోగుల నమూనాలను ఐసీఎంఆర్ ల్యాబుల్లో పరీక్షించారు. అక్కడ రోగి నమూనాలో అమీబా ఉనికిని పీసీఆర్ సాంకేతికత ద్వారా గుర్తించవచ్చు.

అనుమానాస్పద జిల్లాల గుర్తింపు
అనుమానిత జిల్లాలను ముందుగా గుర్తించాలని రాష్ట్రాలను ఎన్‌సిడిసి కోరింది. తద్వారా అక్కడి ఆరోగ్య బృందాలను అప్రమత్తంగా ఉంచవచ్చు. కేరళలో రాష్ట్ర అధికారులతో జరిగిన సమావేశంలో.. ఎన్‌సిడిసికి ఈ ఇన్‌ఫెక్షన్ గతంలో ఒకటి నుండి రెండు జిల్లాలలో కనిపించిందని, ఇప్పుడు అది నాలుగు నుండి ఐదు జిల్లాలకు చేరుకుందని తెలిసింది. అందుకే అనుమానిత జిల్లాలు, స్థలాలను ముందుగా గుర్తించాలని ఎన్‎సీడీసీ రాష్ట్రాలకు సూచించింది.

Read Also:Surya Stotram: శ్రీ సూర్య స్తోత్ర పారాయణం చేస్తే మోక్షం పొందుతారు..