Allu Arjun: చర్చగా మారిన అల్లు అర్జున్‌ నంద్యాల పర్యటన.. ఏంటి పుష్ప ఇది..?

Allu Arjun: సార్వత్రిక ఎన్నికల్లో ప్రచారానికి నేటితో తెరపడనుంది.. అన్ని పార్టీల నేతలు ప్రచారంలో దూకుడు చూపిస్తున్నారు.. ప్రచారానికి ఫైనల్‌ టచ్‌ ఇస్తున్నారు.. ఈ సమయంలో.. ఏపీ రాజకీయాల్లో రెండు ఘటనలు హాట్‌ టాపిక్‌గా మారాయి.. ఒకటి గ్లోబల్‌ స్టార్‌ రామ్‌చరణ్‌.. తన బాబాయ్‌ పవన్‌ కల్యాణ్‌ బరిలోకి దిగుతోన్న పిఠాపురంలో ఎంట్రీ ఇస్తే.. మరోవైపు ఐకాన్‌ స్టార్‌ అల్లు అర్జున్‌ .. తన స్నేహితుడి కోసం నంద్యాలలో అడుగు పెట్టారు.. అయితే, ఇప్పటికే జనసేనాని పవన్‌ కల్యాణ్‌కు సోషల్ మీడియాలో శుభాకంక్షలు తెలిపిన బన్నీ.. ఇప్పుడు ఫ్రెండ్‌ కోసం ఎంట్రీ ఇవ్వడం చర్చగా మారింది.. దీనికి ప్రధాన కారణం.. జనసేనాని కూటమి తరపున ఉన్నారు.. ఆయనకు ట్విట్టర్‌ వేదికగా విషెస్‌ చెప్పి.. తమ ప్రత్యర్థి పార్టీలో ఉన్న తన స్నేహితుడి కోసం నంద్యాలలో పర్యటించడం ఆసక్తికరంగా మారింది..

మొత్తంగా నంద్యాల వైసీపీ అభ్యర్థి శిల్పా రవికి సంఘీభావం తెలుపడానికి నంద్యాలకు వచ్చారు అల్లు అర్జున్… దీంతో బన్నీ వ్యవహారి శైలి హాట్‌ టాపిక్‌గా మారిందంటున్నారు రాజకీయ విశ్లేషకులు.. శిల్పా రవి భార్య నాగిని రెడ్డి.. అల్లు అర్జున్ భార్య స్నేహ రెడ్డి క్లాస్ మెట్స్ కావడంతో.. 2019 ఎన్నికల్లో ఎమ్మెల్యే శిల్పారవికి ట్విట్టర్ లో ఆల్ ది బెస్ట్ చెప్పారు అల్లు అర్జున్.. ఆ ఎన్నికల్లో భారీ మెజార్టీతో విజయం కూడా సాధించారు.. ఇప్పుడు ఎమ్మెల్యే శిల్పా రవి అభ్యర్థన మేరకు నంద్యాలకు వచ్చారట అల్లు అర్జున్.. ఓవైపు మామయ్య పవన్‌ కల్యాణ్‌కు ట్విట్టర్‌లో శుభాకాంక్షలు తెలిపిన ఆయన.. మరోవైపు.. స్నేహితుడి కోసం డైరెక్ట్‌గా ఎంట్రీ ఇవ్వడం మాత్రం చర్చగా మారింది.. మెగా ఫ్యామిలీ మొత్తం జనసేనాని పవన్‌ కల్యాణ్‌ కోసం రంగంలోకి దిగి ప్రచారం చేస్తుంటే.. నువ్వు ఏంటి పుష్ప ఆయన ప్రత్యర్థుల కోసం వచ్చేశావు? అని ప్రశ్నిస్తున్నారు నెటిజన్లు.

కాగా, ఈ మధ్యే ఐకాన్‌ స్టార్‌ చేసిన ట్వీట్‌ వైరల్‌గా మారిన విషయం విదితమే.. మీ ఈ ప్రయాణంలో అనుకున్నది సాధించాలి.. సేవ చేయాలని, సేవకే అంకితం చేయాలని ఎంచుకున్న ఈ మార్గం పట్ల నాకెప్పుడూ గర్వంగానే ఉంటుంది.. ఓ కుటుంబ సభ్యుడిగా నేను ఎప్పుడూ మీతోనే ఉంటాను.. మీరు అనుకున్నది సాధించాలని కోరుకుంటున్నాను అంటూ బన్నీ ట్వీట్ చేసిన విషయం తెలిసిందే.. ఓవైపు మామయ్యకు మద్దతు ఇస్తూనే.. మరోవైపు.. స్నేహితుడికి కూడా సాయం అందిస్తున్నారు అల్లు అర్జున్.