Alia Bhatt :79వ బాఫ్టాలో ప్రెజెంటర్‌గా ఆలియా అరుదైన గౌరవం..

భారతీయ చలనచిత్ర పరిశ్రమ గర్వించదగ్గ నటీమణులలో ఒకరైన ఆలియా భట్, గ్లోబల్ స్థాయిలో గుర్తింపు తెచ్చుకుంది. ఇందులో భాగంగా 79వ ఎడిషన్ బ్రిటిష్ అకాడమీ ఫిల్మ్ అవార్డ్స్ (BAFTA) 2026 లో అవార్డులను అందజేసే ప్రెజెంటర్ల జాబితాలో ఆలియా చోటు సంపాదించుకున్నారు. ఈ ప్రతిష్టాత్మక వేదికపై అవార్డును ప్రెజెంట్ చేయనున్న మూడవ భారతీయ నటిగా ఆలియా రికార్డు సృష్టించబోతున్నారు.

Also Read : Sidharth Malhotra: తండ్రి మృతి..ఎమోషనల్ పోస్ట్ పెట్టిన బాలీవుడ్ హీరో సిద్ధార్థ్

ఈ అవార్డుల వేడుక లండన్‌లోని ప్రఖ్యాత ‘రాయల్ ఫెస్టివల్ హాల్’లో ఫిబ్రవరి 22న వైభవంగా జరగనుంది. ఆలియా భట్‌తో పాటు ఆస్కార్ విజేత సిలియన్ మర్ఫీ, కేట్ హడ్సన్, బ్రయాన్ క్రాన్స్టన్, ఎథాన్ హాక్, గ్లెన్ క్లోజ్ వంటి ప్రపంచ ప్రఖ్యాతి గాంచిన హాలీవుడ్ దిగ్గజాలు ఈ వేడుకలో ప్రెజెంటర్లుగా పాల్గొంటున్నారు. దీనిపై బాఫ్టా అధికారిక ప్రకటనను తన ఇన్‌స్టాగ్రామ్ స్టోరీలో షేర్ చేస్తూ.. “నన్ను గుర్తుపట్టగలిగితే మీకు 100 మార్కులు” అంటూ సరదాగా క్యాప్షన్ ఇచ్చారు అలియా. అయితే గతంలో ప్రియాంక చోప్రా (2021), దీపికా పదుకొణె (2024) ఈ గౌరవాన్ని అందుకోగా, ఇప్పుడు ఆలియా ఆ వరుసలో చేరారు. అంతేకాకుండా, మణిపురి చిత్రం ‘బూంగ్’ (Boong) కూడా ఈసారి బాఫ్టా నామినేషన్లలో ఉండటం విశేషం.