ENG vs AFG: వరల్డ్ కప్లో సంచలనం నమోదైంది. డిఫెండింగ్ ఛాంపియన్ ఇంగ్లాండ్కు పసికూన అఫ్గాన్ జట్టు షాకిచ్చింది. ఢిల్లీలోని అరుణ్ జైట్లీ స్టేడియంలో డిఫెండింగ్ ఛాంపియన్ ఇంగ్లండ్తో జరిగిన మ్యాచ్లో ఆఫ్ఘనిస్తాన్ 69 పరుగుల తేడాతో ఘన విజయం సాధించింది. 285 పరుగుల లక్ష్యంతో బరిలోకి దిగిన ఇంగ్లండ్ 215 పరుగులకు ఆలౌటైంది. ఇంగ్లాండ్ బ్యాటర్లలో హ్యారీ బ్రూక్ 66, డేవిడ్ మలాన్ 32 మినహా అందరూ విఫలమయ్యారు. ముజీబ్ ఉర్ రెహ్మాన్, రషీద్ ఖాన్ చెరో మూడు వికెట్లు తీయగా, మహ్మద్ నబీ రెండు వికెట్లు తీశారు.
Also Read: Justin Trudeau: భారత్తో దౌత్య వివాదాల మధ్య కెనడా ప్రధాని ‘నవరాత్రి శుభాకాంక్షలు’
మొదట బ్యాటింగ్ చేసిన అఫ్గాన్ ఆటగాళ్లలో రహ్మానుల్లా గుర్బాజ్, ఇక్రమ్ అలీఖిల్ రాణించడంతో ఆఫ్ఘనిస్థాన్ 50 ఓవర్లలో 284 పరుగులకు ఆలౌటైంది. ఇంగ్లాండ్కు 285 పరుగుల భారీ లక్ష్యాన్ని అందించింది. గుర్బాజ్ 80 పరుగులు చేశాడు, ఇక్రమ్ 58 పరుగులు చేశాడు. ముజీబ్ ఉర్ రెహ్మాన్ కూడా 16 బంతుల్లో 28 పరుగులతో కీలకమైన ఇన్నింగ్స్ ఆడాడు. ఇంగ్లండ్ బౌలర్లలో ఆదిల్ రషీద్ మూడు వికెట్లు పడగొట్టాడు. అతనితో పాటు మార్క్ వుడ్ కూడా రెండు వికెట్లు పడగొట్టాడు. అనంతరం ఛేదనకు దిగిన ఇంగ్లండ్ జట్టు 215 పరుగులకే కుప్పకూలింది.
