Harudu: హీరో వెంకట్ కమ్ బ్యాక్.. పవర్‌ఫుల్ యాక్షన్ ఎంటర్టైనర్‌గా ‘హరుడు’!

తెలుగు ప్రేక్షకులకు ‘లవర్ బాయ్’గా సుపరిచితుడైన హీరో వెంకట్, ఇప్పుడు ‘హరుడు’ చిత్రంతో ఒక డైనమిక్ యాక్షన్ హీరోగా వెండితెరపై సందడి చేయబోతున్నారు. విఆర్ ఎంటర్టైన్మెంట్స్ బ్యానర్ లో రాజ్ తాళ్లూరి దర్శకత్వంలో రూపొందిన ఈ చిత్రం మే 8న ప్రపంచవ్యాప్తంగా విడుదల కానుంది. ఈ సందర్భంగా జరిగిన ట్రైలర్ లాంచ్ ఈవెంట్‌లో చిత్ర బృందం పాల్గొని సందడి చేశారు.

Also Read : Pradeep Ranganathan: ప్రదీప్ రంగనాథన్ ఖాతాలో మొదటి ఫ్లాప్.. ‘LIK’ ఎందుకు ఫెయిల్ అయ్యింది?

ట్రైలర్ లాంచ్ సందర్భంగా వెంకట్ మాట్లాడుతూ.. “ఈ సినిమాను పూర్తి చేయడానికి నటుడిగానే కాకుండా నిర్మాతగా కూడా బాధ్యతలు చేపట్టాను. దర్శకుడు రాజ్ తాళ్లూరి సినిమాను అద్భుతంగా తీశారు. గోవా, ముంబైలలో రిచ్ లొకేషన్స్‌లో సాంగ్స్ చిత్రీకరించాం. ఇందులో మంచి యాక్షన్ ఎపిసోడ్స్ ఉన్నాయి. ఖచ్చితంగా ఇదొక మంచి కమర్షియల్ ఎంటర్టైనర్ అవుతుంది” అని ధీమా వ్యక్తం చేశారు. ఇక ఈ సినిమాలో హేబ్బా పటేల్, సలోని, నాటషా వంటి వారు కీలక పాత్రల్లో నటించగా, శ్రీహరి పైలా విలన్‌గా పరిచయం అవుతున్నారు.

దర్శకుడు రాజ్ తాళ్లూరి గతంలో పూరి జగన్నాథ్ వద్ద పనిచేయడంతో, ఆ మాస్ టచ్ ఈ సినిమాలో స్పష్టంగా కనిపిస్తోందని అతిథులు చంద్ర మహేష్, అలీ వ్యాఖ్యానించారు. ముఖ్యంగా మణి జిన్న అందించిన సంగీతం, ఆనంద్ విజువల్స్ సినిమాకు మేజర్ అసెట్ కానున్నాయి. సమ్మర్ స్పెషల్‌గా వస్తున్న ఈ చిత్రం వెంకట్ కెరీర్‌కు ఒక సాలిడ్ హిట్ ఇస్తుందని మేకర్స్ భావిస్తున్నారు.