Healthy Breakfast Recipes: డైట్ చేసేవారికి బెస్ట్ బ్రేక్‌ఫాస్ట్.. చుక్క నూనె లేకుండా ఆవిరి కుడుమును ఇలా సింపుల్‌గా చేసుకోండి!

Healthy Breakfast Recipes: తెలుగు రాష్ట్రాల్లోని వంటకాల్లో ‘ఆవిరి కుడుము’ కు ప్రత్యేక స్థానం ఉందని చెప్పడంలో అతిశయోక్తి లేదు. ఇది కేవలం రుచికరమైన అల్పాహారం మాత్రమే కాదు, నూనె చుక్క కూడా లేకుండా ఆవిరిపై ఉడికించే అత్యంత ఆరోగ్యకరమైన వంటకం. జీర్ణక్రియకు మేలు చేసే ఈ సాంప్రదాయ వంటకాన్ని పర్ఫెక్ట్‌గా ఎలా తయారు చేయాలో ఈ స్టోరీలో తెలుసుకుందాం.

READ ALSO: MAA: మూవీ ఆర్టిస్టుల అసోసియేషన్ డైరీని ఆవిష్కరించిన డిప్యూటీ సీఎం భట్టి

ఆవిరి కుడుము తయారీకి కావలసిన పదార్థాలు:
మినప పప్పు: 1 కప్పు (పొట్టు పప్పు అయితే రుచి మరియు ఆరోగ్యం ఎక్కువ)

ఇడ్లీ రవ్వ: 2 కప్పులు

ఉప్పు: రుచికి సరిపడా

నీళ్లు: తగినంత

తయారీ విధానం:

మొదట మినప పప్పును శుభ్రంగా కడిగి 4 నుంచి 6 గంటల పాటు నానబెట్టుకోవాలి. నానిన పప్పును మిక్సీలో లేదా గ్రైండర్‌లో వేసి, కొంచెం కొంచెం నీళ్లు పోస్తూ గట్టిగా, మెత్తగా వెన్నలా రుబ్బుకోవాలి. ఇడ్లీ రవ్వను కడిగి, నీళ్లను పూర్తిగా పిండేసి, రుబ్బి పెట్టుకున్న మినప పిండిలో కలపాలి. ఈ మిశ్రమాన్ని రాత్రంతా లేదా కనీసం 8 గంటలు పులియబెట్టాలి. ఆవిరి కుడుము పాత్రలో లేదా ఇడ్లీ పాత్రలో ఒక పల్చటి తడి గుడ్డ వేసి, దానిపై పిండిని పోయాలి. మూత పెట్టి మధ్యస్థ మంటపై 10 నుంచి 15 నిమిషాల పాటు ఆవిరిపై ఉడికించాలి. వేడివేడి ఆవిరి కుడుమును అల్లం పచ్చడి లేదా కారప్పొడి, నెయ్యితో తింటే అద్భుతంగా ఉంటుంది.

ప్రయోజనాలు ఇవే..
ఆవిరిపై ఉడికించడం వల్ల ఇది సులభంగా అరుగుతుంది. అనారోగ్యంతో ఉన్నవారికి, చిన్న పిల్లలకు ఇది ఉత్తమ ఆహారంగా నిపుణులు చెబుతున్నారు. ఇందులో నూనె వాడరు కాబట్టి బరువు తగ్గాలనుకునే వారు నిశ్చింతగా దీనిని తినవచ్చు. మినప పప్పులో ఉండే ప్రోటీన్లు శరీరానికి శక్తిని ఇస్తాయని చెబుతున్నారు.

READ ALSO: India: ఇరాన్‌లోని భారతీయులకు హై అలర్ట్.. వెంటనే దేశం విడిచి రావాలని కేంద్రం ఆదేశం!