18 Pages Trailer: అందంగా, ఆసక్తికరంగా ’18 పేజెస్’ చిత్రం ట్రైలర్

18 Pages Trailer: వరుస సినిమాలను నిర్మిస్తున్న ‘జీఏ 2 పిక్చర్స్‌’, ,సుకుమార్‌ రైటింగ్స్ సంయుక్తంగా నిర్మిస్తున్న మూవీ ’18 పేజెస్’. ‘కార్తికేయ 2’ వంటి పాన్ ఇండియా హిట్ మూవీ తర్వాత నిఖిల్, అనుపమ పరమేశ్వరన్‌ల కాంబినేషన్‌లో రాబోతున్న మరో చిత్రం ఇది కావడం గమనార్హం. ఈ సినిమాను బన్నీ వాసు నిర్మిస్తుండగా.. మెగా నిర్మాత అల్లు అరవింద్ సమర్పిస్తున్నారు. నిఖిల్, అనుపమ జంటగా నటిస్తున్న ఈ చిత్రానికి పాన్‌ ఇండియా డైరెక్టర్‌ సుకుమార్ కథను అందించారు. ఆయన శిష్యుడు ‘కుమారి 21ఎఫ్’ చిత్ర దర్శకుడు సూర్యప్రతాప్ పల్నాటి ఈ చిత్రానికి దర్శకత్వం వహిస్తున్నారు.

ఇటీవలే విడుదలైన ఈ సినిమా టీజర్‌కు, ఈ చిత్రంలోని పాటలు “నన్నయ్య రాసిన”, “టైం ఇవ్వు పిల్ల” అనే పాటలతో పాటు రీసెంట్‌గా విడుదలైన ‘ఏడు రంగుల వాన’ అనే పాటకు కూడా అనూహ్య స్పందన లభించింది. ఈ చిత్రం ప్రమోషనల్ కంటెంట్ సినిమాపై రోజురోజుకు ఆసక్తిని పెంచుతోంది. ఇదిలా ఉండగా.. ప్రమోషన్స్ లో భాగంగా ఈరోజు ’18 పేజెస్’ ట్రైలర్ ను రిలీజ్ చేశారు మేకర్స్.

Anushka Shetty: యంగ్ కుర్రాడితో ప్రేమలో పడిన అనుష్క.. వివరాలివే

ఈ ట్రైలర్ ఓ కొత్త అనుభూతిని క్రియేట్ చేస్తోంది. అద్భుతమైన విజువల్స్ పాటు నిఖిల్, అనుపమల మధ్య కెమిస్ట్రీని అందంగా చూపించారు. కేవలం ఇద్దరి ప్రేమికుల మధ్య జరిగే ఫీలింగ్స్ మాత్రమే కాకుండా.. ఈ చిత్రంలోని ఆసక్తికరమైన సంఘటనలను ట్రైలర్‌లో చూపించారు. ‘ప్రేమించడానికి రీజన్ ఉండకూడదు, ఎందుకు ప్రేమిస్తున్నం అంటే ఆన్సర్ ఉండకూడదు’ లాంటి డైలాగ్స్ ఈ ట్రైలర్‌లో ఆకట్టుకుంటున్నాయి. పాన్ ఇండియా దర్శకుడి నుంచి మరో అందమైన అద్భుతమైన ప్రేమకథ ఇది అనేలా ఉంది ఈ చిత్ర ట్రైలర్. సస్పెన్స్‌ను కూడా మెయింటైన్ చేస్తూ ట్రైలర్‌ను కట్ చేశారు మేకర్స్

’18 పేజెస్‌’ చిత్రంలోని ఇప్పటికే రిలీజైన పాటలన్నింటికి మంచి స్పందన లభిస్తుండగా.. ఇప్పుడు రిలీజైన ట్రైలర్ ఈ సినిమాపై ఇంకా అంచనాలను పెంచుతోంది. ఈ సినిమాకి గోపి సుందర్ సంగీతం అందించారు. డిసెంబర్ 23న క్రిస్టమస్ కానుకగా ఈ సినిమా ప్రేక్షకుల ముందుకు రాబోతోంది. ’18 పేజెస్‌’ ట్రైలర్‌ జనాలకు ఇంట్రెస్టింగ్ అనిపిస్తోంది.. మరి సినిమా ప్రేక్షకులను ఎంతవరకు అలరిస్తుంది అనేది వేచిచూడాల్సిందే.