యాపిల్ సీఈవో టిమ్ కుక్ను 13 ఏళ్ల భారతీయ సంతతికి చెందిన కుర్రాడు కలవడం సోషల్ మీడియాలో వైరల్ అవుతుంది. కాగా.. యాపిల్ (Apple) అతిపెద్ద ఈవెంట్ వరల్డ్వైడ్ డెవలపర్ కాన్ఫరెన్స్ 2024 జరుగుతోంది. ఈవెంట్ మొదటి రోజున ఆపిల్ తన వినియోగదారుల కోసం అనేక పెద్ద ప్రకటనలు చేసింది. ఈ క్రమంలో ఆపిల్ యొక్క ఈ వార్షిక ఈవెంట్లో చాలా మంది వ్యక్తులు భాగమయ్యారు. ఈ ఈవెంట్కు సంబంధించిన విభిన్న ఫోటోలు సోషల్ మీడియాలో దర్శనమిస్తున్నాయి. ఈ క్రమంలో టిమ్ కుక్తో కలిసి 13 ఏళ్ల భారతీయ చిన్నారి నవ్వుతున్న ఫోటో కూడా వైరల్ అవుతోంది.
Teamindia: రెండు టీమ్లుగా విడిపోయిన టీమిండియా.. విజేత కోహ్లీ జట్టుదే..
టిమ్ కుక్తో కలిసి కనిపించిన ఈ భారతీయ బాలుడు పేరు శౌర్య గుప్తా. 13 ఏళ్ల శౌర్య తన జీవితంలో మొదటిసారి యాపిల్ సీఈఓ టిమ్ కుక్ని కలిసే అవకాశం పొందాడు. శౌర్య తన అధికారిక X హ్యాండిల్ నుండి టిమ్ కుక్తో కలిసి ఉన్న ఈ ఫొటోను పోస్ట్ చేశాడు. అంతేకాకుండా.. మిషన్ కంప్లీటెడ్ అని రాశారు. టిమ్ కుక్తో అవకాశం పొందినందుకు చాలా మంది శౌర్యకు అభినందనలు తెలిపారు. శౌర్య ట్వీట్కు 2 లక్షలకు పైగా వీక్షణలు వచ్చాయి.. ఇప్పటివరకు 6,000 కంటే ఎక్కువ లైక్లు వచ్చాయి. అంతేకాకుండా.. వినియోగదారులు రకరకాలుగా కామెంట్స్ చేస్తున్నారు. మరోవైపు.. చిన్న పిల్లాడితో టిమ్ కుక్ దిగిన ఈ ఫోటోను జనాలు లైక్ చేస్తూ టిమ్ కుక్ పై ప్రశంసలు కురిపిస్తున్నారు.
Kuwait fire: కువైట్లో భారీ అగ్నిప్రమాదం.. 41 మంది సజీవదహనం
అంతకుముందు.. 22 ఏళ్ల అక్షత్ శ్రీవాస్తవతో టిమ్ కుక్ సమావేశం కూడా ఇంటర్నెట్లో చర్చనీయాంశమైంది. ఈ సంవత్సరం స్విఫ్ట్ స్టూడెంట్ ఛాలెంజ్ విజేతలలో ఒకరైన అక్షత్ శ్రీవాస్తవ తన సమర్పణ, మైండ్బడ్ కోసం ఎంపికయ్యాడు. భారతీయ కోడర్ గురించి టిమ్ కుక్ మాట్లాడుతూ, “నేను గత సంవత్సరం భారతదేశాన్ని సందర్శించినప్పుడు చాలా మంది అసాధారణ డెవలపర్లను కలిశాను. సాంకేతికత ప్రజల జీవితాలను సుసంపన్నం చేసే అనేక మార్గాల కోసం నేను చాలా చూశాను. ఈ వారం అక్షత్ని కలవడం.. క్లాసిక్ గేమ్ల పట్ల తనకున్న ప్రేమను తర్వాతి తరానికి పంచుకోవడానికి అతను సరికొత్త మార్గాన్ని ఎలా సృష్టించాడో చూడడం అద్భుతంగా ఉంది.” అని టిమ్ కుక్ తెలిపారు.
Mission Completed ✅ #WWDC24@tim_cook pic.twitter.com/B1ZHkzxuIt
— Shaurya (@madebyshaurya) June 10, 2024