Rajastan : మెడికల్ కాలేజీలో అగ్నిప్రమాదం.. 12మంది చిన్నారులను కాపాడిన రెస్క్యూ టీం

Rajastan : రాజస్థాన్ లోని దుంగార్ పూర్ మెడికల్ కాలేజీలో శనివారం రాత్రి భారీ అగ్ని ప్రమాదం చోటుచేసుకుంది. దుంగార్ పూర్ లో ఉన్న ఈ మెడికల్ కాలేజీలోని నియోనాటల్ ఇంటెన్సివ్ కేర్ యూనిట్ (ఎన్ఐసీయూ) వార్డులో ఈ ఘటన చోటు చేసుకుంది. అయితే ఈ ప్రమాదం నుంచి 12 మంది చిన్నారులను రక్షించినట్లు కళాశాల మెడికల్ సూపరింటెండెంట్ డాక్టర్ మహేంద్ర దామోర్ మీడియాకు తెలిపారు. ఈ ఘటనపై సమాచారం అందగానే మూడు ఫైర్ ఇంజన్లు అక్కడికి చేరుకున్నాయి. వాటి ద్వారా మంటలను ఆర్పి 12 మంది పిల్లలను రక్షించినట్లు ఆయన చెప్పారు.

Read Also: Simhadri Appanna : సింహాచలం చందనోత్సవంలో భక్తుల అందోళన

నవజాత శిశువులు ఉన్న వార్డులో మంటలు చెలరేగాయని, తమ సిబ్బంది పిల్లలను కాపాడారని ఫైర్ సేఫ్టీ ఆఫీసర్ బాబులాల్ చౌదరి పేర్కొన్నారు. నవజాత శిశువుల వార్డులో అగ్నిప్రమాదంపై సమాచారం తెలియగానే వెంటనే తన టీమ్ తో కలిసి మూడు వాహనాల్లో వచ్చామని ఆయన తెలిపారు. మంటలను చల్లార్చి, పొగ నుంచి సురక్షితంగా శిశువులను బయటకు తీసుకొచ్చామని వివరించారు. కాగా.. ఈ ప్రమాదానికి సంబంధించిన మరిన్ని వివరాలు తెలియాల్సి ఉంది.

Read Also:Virupaksha: ‘కాంతార’ రేంజులో రిలీజ్ చెయ్యాల్సిందే…