డెల్టా వేరియంట్‌.. ఈ టీకా 66 శాతం ఎఫెక్టివ్‌గా..!

కరోనా మహమ్మారిపై విజయం సాధించడానికి ప్రపంచవ్యాప్తంగా అనేక రకాల వ్యాక్సిన్లు అందుబాటులోకి.. వీటిలో కొన్ని వ్యాక్సిన్లు కోవిడ్ కొత్త వేరియంట్లపై కూడా సమర్థవంతంగా పనిచేస్తున్నాయి.. తాజాగా కొన్ని దేశాలను డెల్టా వేరియంట్‌, డెల్టా ప్లస్ వేరియంట్ ఇలా కొత్త వేరియంట్లు భయపెడుతున్నాయి.. ఈ తరుణంలో.. డెల్టా వేరియంట్‌పై జైకోవ్‌-డీ వ్యాక్సిన్‌ ప్రభావవంతంగా పని చేస్తుందని వెల్లడించారు జైడస్‌ గ్రూప్స్‌ ఎండీ డాక్టర్‌ షర్విల్‌ పటేల్‌.. డెల్టా వేరియంట్‌పై జైకోవ్-డీ వ్యాక్సిన్‌ 66 శాతం ఎఫెక్టివ్‌గా పనిచేస్తోందని తెలియజేశారు.. కాగా, జైకోవ్‌-డీ వ్యాక్సిన్‌ అత్యవసర వినియోగానికి డ్రగ్‌ కంట్రోల్‌ జనరల్‌ ఆఫ్‌ ఇండియా (డీసీసీఏ) తాజాగా గ్రీన్‌ సిగ్నల్ ఇచ్చింది.. అయితే, ఈ వ్యాక్సిన్‌ ధరపై స్పష్టత రావాల్సి ఉంది.. వచ్చేవారం ధరపై క్లారిటీ రానుండగా.. వచ్చే నెల మధ్యలో టీకాల సరఫరా ప్రారంభమవుతుందని ఆ సంస్థ చెబుతోంది.. అహ్మదాబాద్‌కు చెందిన ఈ కంపెనీ.. ప్రతీ ఏడాది దాదాపుగా 10-12 కోట్ల డోసుల వ్యాక్సిన్లను ఉత్పత్తి చేయడం టార్గెట్‌గా పెట్టుకుంది.. అయితే, జైకోవ్‌ డీ టీకా ప్రపంచంలోనే తొలి డీఎన్‌ఏ ఆధారిత వ్యాక్సిన్. మూడు డోసుల టీకా వేయించుకోవాల్సి ఉంటుంది.. డీఎన్‌ఏ ఆధారిత ప్లగ్ అండ్ ప్లే టెక్నాలజీతో అభివృద్ధి చేసినందున ఈ వ్యాక్సిన్‌ కోవిడ్‌ కొత్త వేరియంట్లను కూడా సమర్థవంతంగా ఎదుర్కుంటుందని సంస్థ వర్గాలు చెబుతున్నాయి.