NitishKumar: బీహార్ సీఎంపై దాడి… భద్రతా వైఫల్యం
ఒక రాష్ట్ర సీఎం భద్రత చాలా పకడ్బందీగా వుంటుంది. వుండాలి కూడా. కానీ స్వయాన ఒక ముఖ్యమంత్రిపై అగంతకుడు దాడిచేయడం కలకలం రేపుతోంది. సీఎం నితీష్ కుమార్ యాదవ్ కు చేదు అనుభం ఎదురైంది. పాట్నా సమీపంలోని భక్తియార్పూర్ వద్ద ఓ యువకుడు దాడికి పాల్పడ్డాడు. భద్రతను దాటుకుంటూ వెళ్లి దాడి చేయడంతో అంతా నిశ్చేష్టులయ్యారు. ఆ తర్వాత ఆ యువకుడిని సీఎం భద్రతా సిబ్బంది పట్టుకుని స్థానిక పోలీసులకు అప్పగించారు. భక్తియార్పూర్ మార్కెట్కు సమీపంలో భద్రతా సిబ్బందిని కూడా యువకులు తోసేశారు. ఆ వ్యక్తి మానసికంగా కుంగిపోయాడని అంటున్నారు.
ఓ ప్రైవేట్ కార్యక్రమంలో పాల్గొనేందుకు సీఎం వెళ్లగా ఈ ఘటన చోటుచేసుకుంది. యూపీ సీఎం యోగి ఆదిత్యనాథ్ ప్రమాణ స్వీకారోత్సవానికి హాజరైన తర్వాత పాట్నాకు తిరిగి వచ్చారు. అనంతరం నితీష్ కుమార్ ఒక ప్రైవేట్ కార్యక్రమంలో పాల్గొనేందుకు భక్తియార్పూర్కు వెళ్లారు. ఈ సందర్భంగా ఆయన విగ్రహానికి పూలమాల వేయబోతున్నారు. అప్పుడు గుంపులో ఉన్న ఓ యువకుడు సీఎంపై దాడికి పాల్పడ్డాడు. ఈ ఘటన దేశవ్యాప్తంగా సంచలనం కలిగించింది. ఈ దాడిలో సీఎంకి ఎలాంటి గాయాలు కాలేదని తెలుస్తోంది.