Physical Assaults: తమిళనాడు రాష్ట్రంలో నాగర్‌ కోయిల్‌లోని కేంద్రీయ విద్యాలయ పాఠశాలలో ఎనిమిదో తరగతి చదువుతున్న విద్యార్థినిపై లైంగిక వేధింపులకు పాల్పడినందుకు ఓ ఉపాధ్యాయుడిని పోలీసులు అరెస్టు చేశారు. విద్యార్థి ఫిర్యాదు మేరకు రాజస్థాన్‌కు చెందిన రామచంద్ర సోనీ అనే ఆర్ట్ టీచర్‌ను అదుపులోకి తీసుకున్నారు. బాలిక మొదట ఈ విషయాన్ని పాఠశాల ప్రధానోపాధ్యాయుడి దృష్టికి తీసుకెళ్లింది. దీంతో ఈ ఘటనపై వెంటనే అంతర్గత విచారణ చేసిన ప్రిన్సిపాల్.. సదరు టీచర్ ను విధుల నుంచి సస్పెండ్ చేశాడు.
Read Also: Kangana Ranaut: కంగనా రనౌత్ సినిమాపై కలకలం.. నిర్మాతలకు నోటీసులు..
ఇక, ఈ సంఘటనపై ప్రధానోపాధ్యాయుడు జిల్లా శిశు సంక్షేమ అధికారికి ఫిర్యాదు చేయగా.. వారు నాగర్‌ కోయిల్ ఆల్ మహిళా పోలీస్ స్టేషన్‌లో కేసు నమోదు చేశారు. ఈ లైంగిక వేధింపులపై సబ్ ఇన్‌స్పెక్టర్ ఆశా జవహర్ నేతృత్వంలో విద్యార్థులతో విచారణ చేపట్టారు. దీని తర్వాత పోక్సో చట్టంలోని నాలుగు సెక్షన్ల కేసు ఫైల్ చేసి.. కీచక టీచర్ రామచంద్ర సోనీని అరెస్టు చేశారు. ప్రస్తుతం ఈ ఘటనపై పోలీసులు కేసు నమోదు చేసుకుని.. దర్యాప్తు చేస్తున్నారు.
