PM Modi Birthday 2026: ప్రధాని మోడీ పుట్టినరోజు.. దేశవ్యాప్తంగా నేటి నుంచి ‘స్వచ్ఛతా హీ సేవ’ ప్రత్యేక కార్యక్రమాలు
- నేటి నుంచి ‘స్వచ్ఛతా హీ సేవ’ 2026
- ప్రధాని మోడీ పుట్టినరోజున దేశవ్యాప్తంగా కార్యక్రమాలు
- Follow Us :
-
-
Add as a preferred
source on google
India’s Swachhata Hi Seva Campaign 2026: దేశవ్యాప్తంగా స్వచ్ఛతను ప్రోత్సహించే ‘స్వచ్ఛతా హీ సేవ’ (Swachhata Hi Seva) కార్యక్రమం కొత్త దశ నేటి నుంచి ప్రారంభం కానుంది. ప్రధానమంత్రి నరేంద్ర మోడీ జన్మదినం సందర్భంగా సెప్టెంబర్ 17న ప్రారంభమయ్యే ఈ కార్యక్రమంలో దేశంలోని నగరాలు, వార్డులు, గ్రామాల్లో ప్రత్యేక పారిశుద్ధ్య కార్యక్రమాలు నిర్వహించనున్నారు. కేంద్ర ప్రభుత్వం ఈసారి యువతను కూడా కార్యక్రమంలో భాగస్వాములను చేయడంపై దృష్టి సారించింది. ఇందులో భాగంగా విద్యా సంస్థల్లో ‘స్వచ్ఛ పాఠశాల’ కార్యక్రమాలు నిర్వహించనున్నారు.
ప్రజల భాగస్వామ్యంతో స్వచ్ఛతకు ప్రాధాన్యం
స్వచ్ఛతా హీ సేవ కార్యక్రమంలో భాగంగా ప్రధాన ప్రదేశాలు, ప్రజా స్థలాలను శుభ్రం చేయడం, పారిశుద్ధ్య కార్మికుల కోసం భద్రతా శిబిరాలు నిర్వహించడం వంటి కార్యక్రమాలు చేపట్టనున్నారు. ‘జనభాగీదారీతో స్వచ్ఛత’, ‘స్వచ్ఛతతోనే సమృద్ధి’ అనే అంశాలపై ప్రధానంగా దృష్టి సారించనున్నారు. ప్రజల భాగస్వామ్యంతో దేశవ్యాప్తంగా స్వచ్ఛతపై అవగాహన పెంచడమే ఈ కార్యక్రమం లక్ష్యంగా ఉంది. ఈ కార్యక్రమం 2017 నుంచి ప్రతి ఏడాది సెప్టెంబర్ 17 నుంచి అక్టోబర్ 2 వరకు నిర్వహిస్తున్నారు.
Also Read
- Ajit Doval: అజిత్ దోవల్కు అమెరికా కోర్టు సమన్లు.. భారత్ తీవ్ర అభ్యంతరం..
- Pakistan Minister: తాజ్ మహల్, నిజాముద్దీన్ దర్గాకు వెళ్లాలనుకున్న పాక్ మంత్రి.. ‘నో’ చెప్పిన భారత్..
- Delhi: పెళ్లి చేసుకోవాలని ఇన్ఫ్లుయెన్సర్ ఇంట్లోకి చొరబడ్డ యువకుడు.. కొట్టి చంపిన బంధువులు.
- Rajasthan: రాజస్థాన్ పంచాయతీ ఎన్నికల్లో కాంగ్రెస్ ప్రభంజనం.. సీఎం, మంత్రుల కంచుకోటల్లో బీజేపీకి షాక్..
సెప్టెంబర్ 27న పర్యాటక, ఆధ్యాత్మిక ప్రదేశాల్లో ప్రత్యేక శుభ్రత
కేంద్ర పట్టణాభివృద్ధి శాఖ మంత్రి మనోహర్ లాల్, కేంద్ర జలశక్తి శాఖ మంత్రి సీఆర్ పాటిల్ ఈ కార్యక్రమం వివరాలను వెల్లడించారు. సెప్టెంబర్ 27న ప్రపంచ పర్యాటక దినోత్సవం సందర్భంగా దేశంలోని పర్యాటక ప్రదేశాలు, ఆధ్యాత్మిక క్షేత్రాలు, ఇతర ముఖ్య ప్రదేశాల్లో ప్రత్యేక పారిశుద్ధ్య కార్యక్రమాలు నిర్వహించనున్నారు. ప్రజలు, స్థానిక సంస్థలు కలిసి పర్యాటక ప్రాంతాలను పరిశుభ్రంగా ఉంచేందుకు చర్యలు చేపట్టనున్నారు.
అక్టోబర్ 1న ‘ఒక రోజు-ఒక గంట’ స్వచ్ఛతా కార్యక్రమం
అక్టోబర్ 1న దేశవ్యాప్తంగా ‘ఒక రోజు-ఒక గంట’ అనే ప్రత్యేక స్వచ్ఛతా కార్యక్రమం నిర్వహించనున్నారు. ఈ కార్యక్రమంలో ప్రజలంతా కలిసి ఏదైనా ఒక ప్రజా స్థలాన్ని శుభ్రం చేయనున్నారు. దేశవ్యాప్తంగా ఒకే సమయంలో స్వచ్ఛతా కార్యక్రమాలు నిర్వహించి ప్రజల్లో పరిశుభ్రతపై అవగాహన పెంచనున్నారు.
అక్టోబర్ 2న స్వచ్ఛ భారత్ దివస్
అక్టోబర్ 2న స్వచ్ఛ భారత్ దివస్ను నిర్వహించనున్నారు. ఈ సందర్భంగా గ్రామసభలు, పట్టణ ప్రాంతాల్లో ప్రత్యేక సమావేశాలు నిర్వహిస్తారు. అదే సమయంలో ‘ఒక చెట్టు అమ్మ పేరుతో’ (Ek Ped Maa Ke Naam) కార్యక్రమంలో భాగంగా మొక్కలు నాటే కార్యక్రమాలు కూడా చేపట్టనున్నారు. పరిశుభ్రతతో పాటు పర్యావరణ పరిరక్షణకు ప్రాధాన్యం ఇవ్వనున్నారు.
స్వచ్ఛతా కార్యక్రమాలపై ఆన్లైన్ పర్యవేక్షణ
స్వచ్ఛతా హీ సేవ కార్యక్రమంలో భాగంగా ఏ ప్రాంతంలో ఎంత శుభ్రతా కార్యక్రమం నిర్వహించారు? ఎంత చెత్త సేకరించారు? అనే అంశాలను కూడా అంచనా వేయనున్నారు. ఈ వివరాలను నమోదు చేసేందుకు కేంద్ర ప్రభుత్వం ప్రత్యేక పోర్టల్ను ప్రారంభించింది. కేంద్ర మంత్రి సీఆర్ పాటిల్ తెలిపిన వివరాల ప్రకారం.. పట్టణ, గ్రామీణ ప్రాంతాలు తమ పరిధిలో చేపట్టిన స్వచ్ఛతా చర్యల వివరాలను పోర్టల్లో అప్లోడ్ చేయాల్సి ఉంటుంది. స్వచ్ఛమైన తాగునీరు వంటి సదుపాయాలకు సంబంధించిన వివరాలను కూడా అందులో నమోదు చేయనున్నారు.
ప్రజల భాగస్వామ్యమే కీలకం
స్వచ్ఛతా హీ సేవ కార్యక్రమం ద్వారా దేశవ్యాప్తంగా పరిశుభ్రతపై ప్రజల్లో అవగాహన పెంచడం, ప్రజా స్థలాలను పరిశుభ్రంగా ఉంచడం, పారిశుద్ధ్య కార్మికుల భద్రతకు ప్రాధాన్యం ఇవ్వడం వంటి అంశాలపై దృష్టి సారించనున్నారు. సెప్టెంబర్ 17 నుంచి అక్టోబర్ 2 వరకు జరిగే ఈ కార్యక్రమంలో ప్రజలు, విద్యార్థులు, స్థానిక సంస్థలు, ప్రభుత్వ విభాగాలు భాగస్వాములు కానున్నారు.
తాజావార్తలు
-
World Hello Day 2026 : ఒక్క ‘హలో’తో ఇన్ని లాభాలా?.. నవంబర్ 21 ప్రత్యేకత ఇదే.!
-
OTR : బంగారం, వెండి ధరలు ఎందుకు తగ్గుతున్నాయి? విలువైన లోహాల భవిష్యత్తు ఎలా ఉండబోతోంది?
-
Warangal Projects : వరంగల్కు భారీ ప్రాజెక్టులు.. సీఎం రేవంత్ కీలక సమీక్ష
-
Koti Deepotsavam 2026 : త్రిశక్తి మహాపూజ, జోగులాంబ కల్యాణంతో ఎన్టీఆర్ స్టేడియంలో భక్తి పారవశ్యం.!
-
Telangana Congress : MLA రాజగోపాల్ రెడ్డి అసంతృప్తి వెనుక అసలు కారణమేంటి?
ట్రెండింగ్
-
Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!