Haryana: పశ్చిమ బెంగాల్ సీఎం సువేందు అధికారిని హెచ్చరిస్తూ హర్యానాకు చెందిన ఒక మహిళ చేసిన వీడియో వైరల్ అయింది. తాను బీఫ్ వండుతున్నానని, సువేందు అధికారిని తినడానికి ఆహ్వానిస్తున్నట్లు అందులో పేర్కొంది. ఈ వీడియో వైరల్ కావడంతో పోలీసులు ఆమెను అరెస్ట్ చేశారు.
వైరల్ అయిన ఈ వీడియోలో మహిళ మాట్లాడుతూ..తాను బీఫ్ వండుతున్నట్లు చెప్పింది. ముఖ్యమంత్రి సువేందును ఉద్దేశిస్తూ, ‘‘ఈసారి (ఈద్ అల్ అధా) రోజు బీఫ్ను బలి ఇవ్వనివ్వేదు, కానీ మీరే ఇతరుల ఇళ్లకు వెళ్లి రెండు గిన్నెల మాంసం తిన్నారు. మీకు మాంసం అంటే చాలా ఇష్టం, అందకే మీ కోసం ఈ మాంసం, రెట్టెలు చేశాను. మీకు అన్నం కావాలంటే ఆ విషయం నాకు చెప్పండి’’ అని అన్నారు.
ఇదే వీడియోలో సదరు మహిళ మాట్లాడుతూ.. మితిమీరిన దురాశ మంచిది కాదని, దురాశకు తీవ్ర పరిణామాలు ఉంటాయని సీఎంను హెచ్చరించింది. సువేందు ముస్లింలను అణిచివేస్తున్నారని, దీనికి అల్లాకు జవాబు చెప్పాల్సి ఉంటుందని ఆమె అంటుంది. మీరు హిందువుల్ని రెచ్చగొడుతున్నారు. అల్లాహ్ మీకు గుణపాఠం నేర్పుతారు అని చెబుతోంది.
ఈ వీడియో వైరల్ కావడంతో, వీడియోలో ఉన్న జోస్నా బీబీ అనే మహిళపై పోలీసులు చర్యలు తీసుకున్నారు. ఈ సంఘటన సెక్టార్-29 పోలీస్ స్టేషన్ పరిధిలోని చక్కర్పూర్ ప్రాంతంలో జరిగినట్లు చెబుతున్నారు. జోస్నాది గురుగ్రామ్లోని చకర్పూర్, చంద్రలోక్ ప్రాంతంలో అద్దె ఇంట్లో ఉంటుంది. ఈమె భర్త పేరు ఫజూర్ రెహమాన్గా గుర్తించారు.
SICKNESS🚨Bengali Muslim woman living in Gurugram was ARRESTED by Haryana Police.
She Posted a video in which she said she had cooked cow meat and tauntingly offered it to West Bengal’s Hindu CM Suvendu, hurting Hindu sentiments.😡 pic.twitter.com/LKE82lXUe4
— Bhakt Prahlad🚩 (@RakeshKishore_l) June 2, 2026