Supreme Court: ఇటీవల కాలంలో భార్యభర్తలు చిన్నచిన్న విషయాలకే గొడవలు పడి విడాకులు కోరుతున్నారు. విడాకులు వివాదాలు గతంలో పోలిస్తే ప్రస్తుతం పెరిగాయి. ఇదిలా ఉంటే ఈ రోజు సుప్రీంకోర్టు ప్రేమ వివాహాలపై కీలక వ్యాఖ్యలు చేసింది. విడాకులు ప్రేమ వివాహాల్లోనే ఎక్కువగా కనిపిస్తున్నాయని పేర్కొంది. ఓ జంట మధ్య విబేధాలకు సంబంధించిన అంశంపై సుప్రీంకోర్టు విచారిస్తున్న సందర్భంలో ఈ వ్యాఖ్యలు చేసింది.
Read Also: Madhya Pradesh: బిడ్డను కనాలి.. నా భర్తను జైలు నుంచి విడుదల చేయండి.. ఓ మహిళ అభ్యర్థన
న్యాయమూర్తులు జస్టిస్ బీఆర్ గవాయ్, జస్టిస్ సంజయ్ కరోల్‌తో కూడిన ధర్మాసనం లవ్ మ్యారేజ్‌లలోనే ఎక్కువ విడాకులు కనిపిస్తున్నాయని వ్యాఖ్యానించింది. ఈ కేసులో మధ్యవర్తిత్వాన్ని ప్రతిపాదించింది. దంపతుల మధ్య వివాహ బంధం కోలుకోలేని విధంగా దెబ్బతింటే ఆ కారణం కింద వారి పెళ్లి రద్దు చేసి విడాకులు మంజూరు చేయడం సాధ్యమే అని ఇటీవ ఐదుగురు సభ్యుల రాజ్యాంగ ధర్మాసనం సంచల తీర్పు వెలువరించింది. ఆర్టికల్ 142 కింద విస్తృత అధికారాలను ఉపయోగించుకుని సుప్రీంకోర్టు వారికి విడాకులు మంజూరు చేయొచ్చని, భార్యభర్తలు పరస్పరం అంగీకారంతో విడిపోవాలంటే అందుకోసం ఆరునెలలు ఆగాల్సిన అవసంర లేదనని, కొన్ని షరతులతో ఈ తప్పనిసరి నిరీక్షణ గడువును ఎత్తేయచ్చని ధర్మాసనం వెల్లడించింది.