Salman Khan: సల్మాన్‌ ఖాన్‌కు మరోసారి బెదిరింపులు.. దమ్ముంటే వారిని రక్షించుకోవాలని వార్నింగ్

Salman Khan: బాలీవుడ్ స్టార్ హీరో సల్మాన్‌ ఖాన్‌కు మరోసారి హత్య బెదిరింపులు వచ్చాయి. లారెన్స్‌ బిష్ణోయ్‌ గ్యాంగ్‌ నుంచే థ్రెట్ సందేశం వచ్చింది. ముంబై ట్రాఫిక్‌ కంట్రోల్‌ రూమ్‌కు గురువారం అర్ధరాత్రి గుర్తు తెలియని వ్యక్తులు ఫోన్‌ చేసి వార్నింగ్ ఇచ్చారు. బిష్ణోయ్ గ్యాంగ్ పేరును ప్రస్తావిస్తూ వచ్చిన పాటపై సల్మాన్‌కు హెచ్చరికలు జారీ చేశారు. ఈ పాట రచయిత నెలలోగా తీవ్ర పరిణామాలు ఎదుర్కోవాల్సి వస్తుందని చెప్పుకొచ్చారు. మరోసారి పాటలు రాయలేని విధంగా లిరిసిస్ట్ పరిస్థితి ఉండబోతుందని వెల్లడించారు. సల్మాన్‌ ఖాన్ కు ధైర్యం ఉంటే ఆ గేయ రచయితను, మిగతా వారిని రక్షించాలని దుండగులు బెదిరింపుల మెసేజ్ లో తెలిపారు. ఈ వ్యక్తులపై వర్లీ పోలీస్‌ స్టేషన్‌లో కేసు నమోదు చేసి దర్యాప్తు చేస్తున్నామని చెప్పుకొచ్చారు.

Read Also: Warangal: భద్రకాళి చెరువు ఖాళీ చేసేందుకు సర్వం సిద్ధం.. అడ్డుకున్న మత్స్యకారులు..

కాగా, సల్మాన్‌ ఖాన్‌కు వరుసగా హత్య బెదిరింపులు వస్తున్నాయి. గతంలోనూ పలుమార్లు బిష్ణోయ్‌ గ్యాంగ్‌ నుంచి ఆయనకు హెచ్చరికలు వస్తున్నాయి. ఈ ఏడాది ఏప్రిల్‌లో సల్మాన్‌ నివాసం ఉంటున్న బాంద్రాలోని గెలాక్సీ అపార్ట్‌మెంట్‌ దగ్గర ఇద్దరు వ్యక్తులు కాల్పులు జరపడంతో పాటు అంతకుముందు పన్వేల్ ఫామ్‌హౌస్‌లోకి చొరబడేందుకు కొందరు ట్రై చేశారు. ఇటీవల సల్మాన్‌ ఖాన్ కు బెదిరింపులు వచ్చిన కేసులో కర్ణాటకలోని హవేరిలో ఓ వ్యక్తిని అదుపులోకి తీసుకున్నారు పోలీసులు. అలాగే, రాజస్థాన్‌లో మరో వ్యక్తిని కూడా మహారాష్ట్ర యాంటీ టెర్రరిజం స్క్వాడ్‌కు అప్పజేప్పారు. వరుస బెదిరింపులు వస్తున్న నేపథ్యంలో సల్మాన్ కు మహారాష్ట్ర సర్కార్ భారీ భద్రతను పెంచింది.