Punjab Video: పెళ్లిలో షాకింగ్ ఘటన.. వధువుపై రూ.8.5 కోట్ల కరెన్సీ వర్షం

‘‘రైలుబండి నడిపేది పచ్చజెండాలే బ్రతుకుబండిని నడిపేది పచ్చనోటులే’’ అని ఓ సినీ కవి పాట రూపంలో తెలియజేశారు. ఇది ముమ్మాటికీ అక్షర సత్యం. ఆ నోటు కోసం ఉదయం నుంచి సాయంత్రం వరకు ఎండలో మాడుతూ పని చేస్తే పేదోడికి బువ్వ దొరుకుతుంది. లేదంటే ఆకలితో పస్తుండాలి. ఆ కరెన్సీ విలువ పేదోళ్లకు బాగా తెలుసు. కానీ పంజాబ్‌లో ఓ పెళ్లి వేడుకలో కోట్లాది రూపాయల నోట్లను చెత్త కాగితాల్లో ఎగరేశారు. ఇందుకు సంబంధించిన వీడియో సోషల్ మీడియాలో వైరల్ కావడంతో పెద్ద ఎత్తున విమర్శలు వెల్లువెత్తున్నాయి.

ఫిబ్రవరి 14న తర్న్ తరుణ్‌లో వివాహం జరిగింది. డీజేలతో సందడి.. సందడిగా నృత్యాలతో సాగుతోంది. ఈ సందర్భంగా మండపంలో వధువు నిలబడి ఉండగా ఆమెపై అతిథులు రూ.8.5 కోట్ల కరెన్సీ నోట్లు కురిపించారు. వరుడి కుటుంబమే వధువుకు రూ.8.5 కోట్ల నగదు ఇచ్చారనే వాదనలను వినిపిస్తున్నాయి.

ఇది కూడా చదవండి: Imran khan: ఇమ్రాన్ ఖాన్ ఆరోగ్యంపై పుకార్లు.. ఫుడ్ మెనూ విడుదల చేసిన ప్రభుత్వం

ఇందుకు సంబంధించిన వీడియో వైరల్ కావడంతో సోషల్ మీడియాలో ఆరోపణలు వస్తున్నాయి. కోట్లాది రూపాయలు ఎలా దుర్వినియోగం చేస్తారని మండిపడుతుననారు. ఈ కార్యక్రమాన్ని చాలామంది ‘గ్రాండ్ క్యాష్ పార్టీ’గా అభివర్ణించారు. అయితే నగదు వర్షంపై వరుడి సోదరుడు సికందర్ సింగ్ స్పందించాడు. ఒరిజనల్ డబ్బులే అయినప్పటికీ కోట్లు కాదని.. లక్షల్లోనే విసిరినట్లుగా చెప్పాడు.

 

View this post on Instagram

 

A post shared by THE LEGION CLUB (@thelegionclubb)