Rakesh Rathore: అత్యాచారం కేసులో కాంగ్రెస్ ఎంపీ అరెస్ట్..

Rakesh Rathore: ఉత్తర్ ప్రదేశ్‌కి చెందిన కాంగ్రెస్ ఎంపీ రాకేష్ రాథోడ్ అత్యాచార కేసులో ఈ రోజు అరెస్టయ్యారు. సీతాపూర్ నుంచి లోక్‌సభకు ప్రాతినిథ్యం వహిస్తున్న రాకేష్ రాథోడ్ విలేకరులతో సమావేశం నిర్వహిస్తున్న సమయంలో పోలీసులు అరెస్ట్ చేశారు. గత నాలుగు ఏళ్లుగా తనను లైంగికంగా వేధిస్తున్నాడని ఆరోపిస్తూ కాంగ్రెస్ ఉత్తర్ ప్రదేశ్ యూనిట్‌ జనరల్ సెక్రటరీగా ఉన్న రాథోడ్‌పై జనవరి 17న పోలీసులు కేసు నమోదు చేశారు.

Read Also: Anna Hazare: ‘‘డబ్బుకు ప్రాధాన్యత ఇచ్చాడు’’.. కేజ్రీవాల్‌పై అన్నాహజారే సంచలన వ్యాఖ్యలు..

తనను వివాహం చేసుకుంటానని, రాజకీయ జీవితాన్ని ఇస్తానని హామీ ఇచ్చి తనపై అత్యాచారం చేశాడని ఓ మహిళ ఇచ్చిన ఫిర్యాదు ఆధారంగా ఈ అరెస్ట్ జరిగింది. ఆమె కాల్ వివరాలను, కాల్ రికార్డులను పోలీసులకు అందించింది. గత వారం, బాధిత మహిళ భర్త కూడా ఐదుగురిపై వేర్వేరుగా ఫిర్యాదు చేశాడు. రాథోడ్, అతని కుమారుడు కేసుని సెటిల్ చేసుకోవాలని తమ కుటుంబంపై ఒత్తిడి తెచ్చినట్లు ఆరోపించారు.

బుధవారం, అలహాబాద్ హైకోర్టు రాథోడ్ ముందస్తు బెయిల్ పిటిషన్‌ని తిరస్కరించింది. లొంగిపోవాలని కోరింది. హైకోర్టుకు ముందు సీతాపూర్ ఎంపీ-ఎమ్మెల్యే కోర్టు జనవరి 23న అతడి ముందుస్తు బెయిల్ పిటిషన్‌ని తిరస్కరించింది. కాంగ్రెస్‌లో చేరడానికి ముందు రాథోడ్ యూపీ అసెంబ్లీ ఎన్నికల్లో బీజేపీ అభ్యర్థిగా, స్వతంత్ర అభ్యర్థిగా పోటీ చేశారు. ఆయన గతంలో మాయావతి బహుజన సమాజ్ పార్టీతో సంబంధాలను కలిగి ఉన్నాడు.