No Number Plate, No Fuel: నంబర్ ప్లేట్ లేకపోతే నో ఫ్యూయల్.. సంచలన నిర్ణయం.. వెంటనే అమల్లోకి..!
- Follow Us :
-
-
Add as a preferred
source on google
No Number Plate, No Fuel: వాహనాలకు నంబర్ ప్లేట్ లేకపోతే ఇకపై పెట్రోల్, డీజిల్ పోయించుకోలేరు.. గుజరాత్లోని రాజ్కోట్ నగరంలో నంబర్ ప్లేట్ లేని వాహనాలకు ఇంధనం విక్రయించడాన్ని అధికారులు నిషేధించారు. గుజరాత్లో ఇలాంటి నిర్ణయం తీసుకున్న తొలి నగరంగా రాజ్కోట్ నిలిచిందని అధికారులు తెలిపారు. నంబర్ ప్లేట్ లేని వాహనాలకు ఇంధనం ఇవ్వకూడదన్న నిర్ణయం తక్షణమే అమల్లోకి వచ్చినట్లు అధికారులు వెల్లడించారు. ఈ నిబంధన రెండు నెలల పాటు కొనసాగనుంది. నగరంలోని అన్ని రకాల వాహనాలకు ఈ ఆదేశాలు వర్తిస్తాయని, ఎలాంటి మినహాయింపులు ఉండవని స్పష్టం చేశారు.
ప్రతి తనిఖీలో 100కు పైగా వాహనాలు
నంబర్ ప్లేట్ లేని వాహనాలపై పోలీసులు ఇప్పటికే నగరవ్యాప్తంగా పలుమార్లు 15 రోజుల పాటు ప్రత్యేక తనిఖీ కార్యక్రమాలు నిర్వహించారు. ఈ తనిఖీల్లో ప్రతిసారీ 100కు పైగా నంబర్ ప్లేట్ లేని వాహనాలను గుర్తించినట్లు పోలీసు అధికారులు తెలిపారు. నంబర్ ప్లేట్ లేని వాహనాలను గుర్తించడం కష్టంగా ఉండటంతో నగర భద్రతకు ఇవి తీవ్రమైన ముప్పుగా మారుతున్నాయని అధికారులు పేర్కొన్నారు. సాధారణ నిఘా వ్యవస్థలకు చిక్కకుండా ఇలాంటి వాహనాలను అక్రమ కార్యకలాపాలకు ఉపయోగించే అవకాశాలు ఉన్నాయని తెలిపారు.
Also Read
- Congress: CJP ఉద్యమాన్ని కాంగ్రెస్ దెబ్బతీసింది.. రాహుల్పై మాజీ మిత్రపక్షం సంచలన విమర్శలు..!
- Viral Video: క్వాడ్ సమావేశంలో జాతీయ జెండాకు గౌరవం.. మోడీ చేసిన పని వైరల్..
- Cyclone Akvan: ఆంధ్రప్రదేశ్ వైపే వరస తుఫానులు.. బంగాళాఖాతంలో అసలేం జరుగుతోంది.?
- Quad Summit: మోడీ ‘‘టఫ్ మ్యాన్’’.. ప్రధానిపై ట్రంప్ ప్రశంసలు!
నేరాలకు వాహనాల వినియోగం
నంబర్ ప్లేట్ లేని.. లేదా గుర్తించడం కష్టమైన వాహనాలు నిర్లక్ష్యపు డ్రైవింగ్, రోడ్డు ప్రమాదాలు, దోపిడీలు, దొంగతనాలు, ఇతర అసాంఘిక కార్యకలాపాల్లో ఉపయోగిస్తున్నట్లు పోలీసుల దృష్టికి వచ్చినట్లు అధికారులు తెలిపారు. జాయింట్ కమిషనర్ ఆఫ్ పోలీస్ చైతన్య మండ్లిక్ మాట్లాడుతూ.. నగరంలో నిర్వహించిన ప్రతి ప్రత్యేక తనిఖీలో 100కు పైగా నంబర్ ప్లేట్ లేని వాహనాలు బయటపడుతున్నాయని చెప్పారు. ఇలాంటి వాహనాలు దొంగతనాలు, దోపిడీలు తదితర నేరాల్లో ఉపయోగిస్తున్నట్లు తెలిపారు.
ఉగ్ర కార్యకలాపాల్లోనూ వినియోగించే అవకాశం
నంబర్ ప్లేట్ లేని వాహనాలను నేర కార్యకలాపాలకు మాత్రమే కాకుండా ఉగ్ర కార్యకలాపాల్లోనూ ఉపయోగించే అవకాశం ఉందని చైతన్య మండ్లిక్ పేర్కొన్నారు. ప్రజల భద్రతను దృష్టిలో ఉంచుకుని నంబర్ ప్లేట్ లేని ఏ వాహనానికీ ఇంధనం అందించకూడదని స్పష్టం చేశారు.
నిబంధనలు ఉల్లంఘిస్తే పెట్రోల్ బంకులపై చర్యలు
నంబర్ ప్లేట్ లేని వాహనాలకు పెట్రోల్, డీజిల్ విక్రయించే ఫ్యూయల్ స్టేషన్లపై కూడా కఠిన చర్యలు తీసుకుంటామని అధికారులు హెచ్చరించారు. ఇంధనం సరఫరా చేసే బంకులపై భారతీయ న్యాయ సంహిత (BNS) కింద చట్టపరమైన చర్యలు తీసుకునే అవకాశం ఉందని తెలిపారు. నిబంధనలను కచ్చితంగా అమలు చేసేందుకు నగరంలోని పెట్రోల్ బంకులపై నిఘా పెట్టారు. ప్రత్యేక పర్యవేక్షణ బృందాలను ఏర్పాటు చేసి ఫ్యూయల్ అవుట్లెట్లలో ఆకస్మిక తనిఖీలు నిర్వహిస్తున్నారు. నంబర్ ప్లేట్ లేని వాహనాలకు ఇంధనం అందిస్తున్నారా లేదా అనే విషయాన్ని అధికారులు పరిశీలిస్తున్నారు. నగర భద్రతను పెంచడంతో పాటు నంబర్ ప్లేట్ లేని వాహనాల వినియోగాన్ని అరికట్టడమే ఈ నిర్ణయం ప్రధాన ఉద్దేశమని అధికారులు తెలిపారు. ఈ చర్యతో వాహనాల గుర్తింపు, నేర నియంత్రణ మరింత సులభమవుతుందని భావిస్తున్నారు.
తాజావార్తలు
-
Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
-
Koti Deepotsavam 2026 : భక్తజన సందోహం మధ్య కోటి దీపోత్సవం.. కనువిందు చేసిన భద్రకాళీశ్వరుల కల్యాణం
-
OTR : ఎమ్మెల్సీ అభ్యర్థుల ప్రకటనలో బీజేపీ జాప్యం.. అసలు కారణం ఏంటి?
-
OTR: నాయుడుపేటలో టీడీపీకి షాక్.. ఓటమికి అసలు కారణం ఇదేనా?
-
Gold Theft Protection: దొంగలు పడినా నో టెన్షన్.. మీ బంగారు నగలకు పూర్తి రక్షణ ఇచ్చే సూపర్ పాలసీ ఇదే!
-
Congress: CJP ఉద్యమాన్ని కాంగ్రెస్ దెబ్బతీసింది.. రాహుల్పై మాజీ మిత్రపక్షం సంచలన విమర్శలు..!
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!