ఒమిక్రాన్ సోకినవారిలో రోగనిరోధక శక్తి.. ఐసీఎంఆర్ స్టడీలో కీలక అంశాలు
ప్రపంచవ్యాప్తంగా ఇప్పుడు ఒమిక్రాన్ టెన్షన్ పెడుతూనే ఉంది.. ఇక, భారత్లో ఒమిక్రాన్ ఎంట్రీ తర్వాత కరోనా థర్డ్ వేవ్ పంజా విసురుతోంది.. వందలు, వేలు.. లక్షలు దాటేస్తున్నాయి.. రోజువారి కేసులు.. ఈ సమయంలో.. ఊరట కలిగించే అంశాన్ని తెలిపింది ఐసీఎంఆర్ నిర్వహించిన తాజా అధ్యయనం.. ఒమిక్రాన్ సోకినవారిలో రోగనిరోధక శక్తి గణనీయంగా పెరిగిందని ఐసీఎంఆర్ శాస్త్రవేత్తలు తేల్చారు.. ఇది డెల్టాతో పాటు ఇతర కోవిడ్ వేరియెంట్లను కూడా సమర్ధవంతంగా ఎదుర్కోగలదని ప్రకటించింది.
Read Also: ఆర్ఆర్ఆర్, రాధేశ్యామ్ బాటలో మరో పాన్ ఇండియా మూవీ..
ఐసీఎంఆర్ శాస్త్రవేత్తల అధ్యయనం ప్రకారం.. అసలు ఒమిక్రాన్ వచ్చిన వారిలో తిరిగి డెల్టా వేరియెంట్ వచ్చే అవకాశమే లేదని తేల్చింది.. ఐసీఎంఆర్ శాస్త్రవేత్తలు 39 మంది వ్యక్తులపై ఓ అధ్యయనం చేశారు.. అయితే, వీరిలో 25 మంది ఆస్ట్రాజెనెకా టీకా రెండు మోతాదులను తీసుకోగా, ఎనిమిది మంది వ్యక్తులు ఫైజర్ రెండు డోసులు తీసుకున్నారు.. మరో ఆరుగురు అసలు వ్యాక్సిన్ వేసుకోనివారున్నారు.. టీకా వేసుకున్నవారికంటే, వేసుకోనివారిలో ఈ రోగనిరోధక శక్తి తక్కువగా ఉన్నట్లు అధ్యయనం గుర్తించింది.. మొత్తంగా ఒమిక్రాన్ సోకినవారిలో రోగ నిరోధక శక్తి అధికంగా ఉంటుందని తేల్చింది..అయితే, ఒమిక్రాన్ బారిన పడిన తరువాత అతి తక్కువ సమయంలోనే ఈ స్టడీ చేయడం కూడా ఒక కారణంగా చెబుతోంది ఐసీఎంఆర్.