Maha Kumbh Mela: ‘‘ఒక్క ఐడియా జీవితాన్నే మార్చేస్తుంది’’ అనే కొటేషన్ చాలా మందికి సుపరిచితమే. ఉత్తరప్రదేశ్ ప్రయాగ్ రాజ్‌లో జరుగుతున్న ‘‘మహా కుంభమేళా’’ని ఓ యువకుడు తన ఆదాయ మార్గంగా ఎంచుకున్నాడు. కోట్ల సంఖ్యలో హాజరయ్యే భక్తులకు ‘‘వేప పుల్లలు’’ అమ్ముతూ వేలు సంపాదిస్తున్నాడు. భక్తులు తమ దంతాలను శుభ్రపరుచుకోవడానికి సదరు యువకుడి వద్ద నుంచి పుల్లలను కొనుగోలు చేస్తున్నారు. వారం వ్యవధిలోనే తాను రూ. 40,000 సంపాదించినట్లు చెప్పాడు.
Read Also: Union Budget 2025: భారత బడ్జెట్ చరిత్రలో “అతిపెద్ద”, “అతిచిన్న” బడ్జెట్ ప్రసంగాలు ఇవే..
ఈ ఆలోచన తన ‘‘గర్ల్‌ఫ్రెండ్’’ ఇచ్చిందని నవ్వుతూ సమాధానం చెబుతున్నాడు. తాను డబ్బు సంపాదించేందుకు కుంభమేళాకి వచ్చానని చెప్పాడు. ప్రస్తుతం ఇతడి వ్యాపారానికి సంబంధించిన వీడియో సోషల్ మీడియాలో వైరల్‌గా మారింది. తాను ఇప్పటి వరకు రూ. 40,000 సంపాదించానని చెప్పారు. పెట్టుబడి అవసరం లేని వ్యాపారంలో వేపపుల్లల్ని అమ్మాలని తన స్నేహితురాలు చెప్పిందని, ఆమె కారణంగా చాలా సంపాదించానని చెప్పారు.
సోషల్ మీడియాలో నెటిజన్లు సదరు యువకుడి నిజాయతీ, అతడి ప్రేమను అభినందిస్తున్నారు. ఇంతమంచి అమ్మాయిని వదులుకోవద్దని, ఆమెను మోసం చేయవద్దని చాలా మంది నెటిజన్లు సూచించారు. ప్రతీ విజయం వెనక, ఒక స్త్రీ ఉంటుందని, తన స్నేహితురాలికి క్రెడిట్ ఇవ్వడం బాగుందని అభినందించారు. ప్రపంచంలోనే అతిపెద్ద మానవసమాగమంగా ‘‘కుంభమేళ’’ ప్రసిద్ధి చెందింది. జనవరి 13 నుంచి ప్రారంభమైన ఈ ఆధ్యాత్మిక కార్యక్రమం ఫిబ్రవరి 26 వరకు కొనసాగుంది. మొత్తం 45 కోట్ల మంది భక్తులు వస్తారని యూపీ సర్కార్ అంచనా వేసింది. ఇప్పటి వరకు త్రివేణి సంగమంలో 27 కోట్ల మంది పవిత్ర స్నానాలు ఆచరించారు.