Baba Ramdev : పతంజలి కేసులో బాబా రాందేవ్, బాలకృష్ణపై అరెస్ట్ వారెంట్
Baba Ramdev : కేరళలోని పాలక్కాడ్ కోర్టు ప్రముఖ యోగా గురువు బాబా రాందేవ్, పతంజలి ఆయుర్వేద్ సంస్థ ఎండీ ఆచార్య బాలకృష్ణపై బెయిలబుల్ అరెస్ట్ వారెంట్ జారీ చేసింది. ప్రజలను తప్పుదోవ పట్టించే ప్రకటనలు జారీ చేశారనే ఆరోపణలపై వీరిపై కేసు నమోదైంది.
ఏం జరిగింది?
పతంజలి అనుబంధ సంస్థ ‘దివ్య ఫార్మసీ’ కొన్ని ఆయుర్వేద ఉత్పత్తులకు సంబంధించి తప్పుదోవ పట్టించే ప్రకటనలు ప్రచారం చేసిందని ఆరోపణలొచ్చాయి. దీనిపై కేరళ రాష్ట్ర డ్రగ్ ఇన్స్పెక్టర్ బాబా రాందేవ్, ఆచార్య బాలకృష్ణపై కేసు నమోదు చేశారు. విచారణలో భాగంగా జనవరి 16న కోర్టు వీరికి సమన్లు జారీ చేసింది. అయితే, వారు హాజరుకాలేదు.
Read Also:Toll fee: దారుణం.. టోల్ ఫీజు ఎగొట్టడానికి సిబ్బందిని తొక్కించుకుంటూ వెళ్లిన బస్సు..
కోర్టు నిర్ణయం
నియమితంగా హాజరు కాకపోవడంతో, పాలక్కాడ్ కోర్టు జనవరి 16న వీరిపై బెయిలబుల్ అరెస్ట్ వారెంట్ జారీ చేసింది. తదుపరి విచారణ ఫిబ్రవరి 1న జరగనుంది.
ప్రభుత్వ చర్యలు
ఈ కేసు నేపథ్యంలో, పతంజలి అనుబంధ సంస్థ ‘దివ్య ఫార్మసీ’కి చెందిన పది ఆయుర్వేద ఉత్పత్తులపై కేంద్ర ప్రభుత్వం ఇప్పటికే నిషేధం విధించింది. అవి తప్పుడు ప్రకటనల ద్వారా ప్రజలను మోసగిస్తున్నాయని ఆరోపణలొచ్చాయి. ఈ నేపథ్యంలో ఆ ఉత్పత్తుల తయారీ లైసెన్స్ రద్దు చేయడంతో పాటు, సంస్థపై కఠిన చర్యలు తీసుకోవాలని ప్రభుత్వం నిర్ణయించింది. పతంజలి సంస్థపై వచ్చిన ఆరోపణల నేపథ్యంలో ఈ కేసు మరింత చర్చనీయాంశంగా మారింది.
Read Also:Keerthi Suresh: అప్పటి నుంచి అతని అన్నయ్య అని పిలుస్తున్న : కీర్తి సురేష్