Bihar: మహిళలపై వేధింపులు పెరిగిపోతున్నాయి. వయస్సుతో సంబంధం లేకుండా ఈ వేధింపులు ఉంటున్నాయి. వేధింపుల స్థాయి పెరిగిపోయి అత్యాచారాలు, హత్యల వరకు వెళుతున్నాయి. అయితే కొన్ని ఘటనల్లో జరుగుతున్న వేధింపులు విచిత్రంగా ఉంటుంటాయి. అటువంటిదే ఈ ఘటన. మహిళను వేధించాడని ఒక యువకుడిని అరగుండు కొట్టించి.. బూట్ల దండవేసి అవమానించారు. అయితే ఇందులో ట్విస్ట్ ఏమిటంటే.. మహిళను యువకుడు వేధించ లేదని.. మహిళే.. యువకుడిని వేధించిందని స్థానికులు చెప్పడం కొసమెరుపు. మహిళను వేధిస్తున్నాడని యువకునికి అరగుండు చేయించి మెడలో చెప్పుల దండేసి ఊరేగించిన ఘటన బీహార్లోని కతిహార్ జిల్లాలో చోటుచేసుకుంది. ఆనంద్ అనే వ్యక్తి కబర్లోని ఓ పిండి మిల్లులో కార్మికుడిగా పనిచేస్తున్నాడు. పిండిమిల్లుకు సంబంధించిన విషయాల్లో యజమాని రాజీవ్ కుమార్ ఇంటికి రెగ్యులర్గా వెళ్తుండేవాడు. ఇలా వెళ్తున్న క్రమంలో రాజీవ్ భార్యతో అతనికి పరిచయం ఏర్పడింది. ఇద్దరు గత కొంతకాలంగా ఫోన్లో మాట్లాడుకుంటున్నారు. అయితే ఉన్నట్లుండి ఆనంద్ తనను వేధిస్తున్నాడని ఆమె తన భర్తకు చెప్పింది. గత మూడు నెలలుగా సతాయిస్తున్నాడని, సమయం సందర్భం లేకుండా ఫోన్ చేస్తున్నాడని, ఇంటికి వస్తున్నానంటూ వేధిస్తున్నాడని భర్తకు చెప్పింది.
Read Also: Prabhas: యాడ దొరికిన సంతరా ఇది… సంపేత్తే సంపేయండి కానీ టెన్షన్ పెట్టకండి
భర్త కుటుంబ సభ్యులు ఆనంద్ను పట్టుకుని.. ఓ గుంజకు కట్టేసి విచక్షణా రహితంగా కొట్టారు. తన భార్యను ఎందుకు వేధిస్తున్నావంటూ అర గుండు గీయించాడు. మెడలో పాత బూట్లతో చేసిన దండ వేసి ఊళ్లో ఊరేగించారు. అయితే అమాయకుడైన యువకుడిపై అసత్య ఆరోపణలు చేస్తున్నారని స్థానికులు అంటున్నారు. ఆ మహిళే ఆనంద్కు తరచూ ఫోన్ చేసేదని, ఇంటికి రావాలని పిలిపించుకునేదని చెప్పారు. ఆమెతో తనకు ఎలాంటి సంబంధం లేదని బాధితుడు చెబుతున్నాడు. ఈ ఘటనపై సమాచారం అందుకున్న పోలీసులు.. ఆనంద్ను అదుపులోకి తీసుకున్నారు. అయితే ఇరుపక్షాలు ఎలాంటి ఫిర్యాదు చేయకపోవడంతో పోలీసులు అతడిని వదిలిపెట్టారు. ఎవరి తరపున ఫిర్యాదులు అందకపోవడంతోనే యువకున్ని వదలిపెట్టినట్టు పోలీసులు తెలిపారు.
