Abhijeet Dipke: కాక్రోచ్ జనతా పార్టీ (CJP) వ్యవస్థాపకుడు అభిజీత్ దీప్కేకు ఢిల్లీ కోర్టులో ఊరట లభించింది. షరతులతో కూడిన బెయిల్ ఇచ్చింది. ఆయనను విడుదల చేయాలని శనివారం కోర్టు ఆదేశించింది. శాంతిభద్రతలకు విఘాతం కలిగించబోనని బాండ్‌పై సంతకాలు చేయాలని సూచించినట్లు తెలుస్తోంది. ఎన్నికల్లో అక్రమాలు జరిగాయనే ఆరోపణలతో శుక్రవారం సీజేపీ ‘‘తిరంగా మార్చ్’’కు పిలుపునిచ్చింది. ఢిల్లీలోని కన్నాట్‌ప్లేస్ సెంట్రల్ పార్క్‌లోని నిరసనకారులు చేరుకోవాలని అభిజిత్ దీప్కే కోరారు. అయితే, ఈ మార్చ్ నిర్వహించడానికి ముందే ఆయనను ఢిల్లీ పోలీసులు అదుపులోకి తీసుకుని, ఆ తర్వాత అరెస్ట్ చేశారు.
భారతీయ నాగరిక్ సురక్షా సంహిత (BNSS)లోని సెక్షన్లు 126, 170 కింద శాంతిభద్రతలకు భంగం కేసులో ఢిల్లీ పోలీసులు దీప్కేను అరెస్టు చేసిన తర్వాత, అతడిని స్పెషల్ ఎగ్జిక్యూటివ్ మేజిస్ట్రేట్ (SEM) కోర్టు ముందు శనివారం హాజరుపరిచారు. ఆయనకు షరతులతో కూడిన బెయిల్ మంజూరు కావడంతో, కస్టడీ నుంచి విడుదల కానున్నారు.
ఇదిలా ఉంటే, శుక్రవారం నిరసనలకు ప్రయత్నించిన వామపక్ష విద్యార్థి సంఘం నేత నేహా బోరాను కూడా పోలీసులు అదుపులోకి తీసుకున్నారు. ఢిల్లీ పోలీస్ చట్టంలోని సెక్షన్ 65 కింద నిర్బంధానికి సంబంధించిన లాంఛనాలను పూర్తి చేసిన తర్వాత, బోరా శనివారం తెల్లవారుజామున విడుదల చేశారు. అయితే, దీప్కే మాత్రం కస్టడీల ఉన్నారు. తాజాగా కోర్టు బెయిల్ ఇవ్వడంతో ఊరట లభించింది.