IC 814 Kandahar Hijack: 1999లో ఖాట్మాండు-న్యూ ఢిల్లీకి వస్తున్న ఇండియన్ ఎయిర్లైన్ విమానం ఐసీ 814ని హైజాక్ చేసి ఆఫ్ఘనిస్తాన్ కాందహార్ తీసుకెళ్లారు. పాకిస్తాన్ హర్కత్ ఉల్ ముజాహిదీన్కి చెందిన ఐదుగురు ఇస్లామిక్ ఉగ్రవాదులు ఈ హైజాక్కి పాల్పడ్డారు. భారతీయుల్ని విడిపించేందుకు అప్పటి అటల్ బిహారీ వాజ్పేయ ప్రభుత్వం జైషే మహ్మద్ ఉగ్ర సంస్థ చీఫ్ మౌలానా మసూద్ అజార్తో సహా ముగ్గురు ఉగ్రవాదుల్ని విడుదల చేసింది.
Read Also: IC 814: The Kandahar Hijack: నెట్ఫ్లిక్స్ “IC 814 హైజాక్” సిరీస్ బ్యాన్ చేయాలని హైకోర్టులో పిల్..
ఈ నేపథ్యం ఆధారంగా నెట్ఫ్లిక్ సిరీస్‘‘’IC 814 కాందహార్ హైజాక్’’ ని రూపొందించింది. అయితే, ఈ వెబ్ సిరీస్ వివాదాస్పదమైంది. ఐదుగురు హైజాకర్లలో ఇద్దరికి హిందూ పేర్లు అయిన భోలా, శంకర్గా పిలువడంపై పలువురు అభ్యంతరం చెప్పారు. ఓ వర్గం నుంచి వస్తున్న ఆందోళన నేపథ్యంలో కేంద్రం కూడా నెట్ఫ్లిక్స్కి సమన్లు జారీ చేసింది.
ఈ రోజు జరిగిన సమావేశంలో.. భవిష్యత్తులో కంటెంట్ దేశ మనోభావాలకు అనుగుణంగా ఉంటుందని కేంద్రానికి నెట్ఫ్లిక్స్ హామీ ఇచ్చింది. అనుభవ్ సిన్హా దర్శకత్వం వహించి, ఆగష్టు 29న విడుదలైంది. కావాలనే నెట్ఫ్లిక్స్ హిందువుల మనోభావాలను దెబ్బతీస్తోందని సోషల్ మీడియాలో నెటిజన్లు దుమ్మెత్తిపోశారు. మరోవైపు, ఈ సిరీస్ బ్యాన్ చేయాలని ఢిల్లీ హైకోర్టులో పిల్ దాఖలైంది.
