టాలీవుడ్ యంగ్ హీరో మాస్ కా దాస్ విశ్వక్ సేన్ రీసెంట్ గా గామి సినిమాతో ప్రేక్షకులను పలకరించాడు.. అడ్వెంచరస్ థ్రిల్లర్గా తెరకెక్కిన గామి సినిమా భారీ విజయాన్ని అందుకుంది.. విధ్యాదర్ కాగిత దర్శకుడిగా టాలీవుడ్లోకి ఎంట్రీ ఇచ్చాడు.. దాదాపుగా ఆరేళ్ళ పాటు షూటింగ్ జరుపుకున్న ఈ సినిమా పై మొదటి నుంచి అంచనాలు భారీగానే ఉన్నాయి.. ఆ అంచనాలకు తగ్గట్లు సినిమా సక్సెస్ టాక్ ను సొంతం చేసుకుంది.. అంతేకాదు భారీ కలెక్షన్స్ ను కూడా అందుకుంది..
ఇప్పుడు ఓటీటీలోకి విడుదలయ్యేందుకు రెడీ అవుతుంది.. ఏప్రిల్ 5న జీ5 ఓటీటీలో ఈ మూవీ రిలీజ్ కాబోతున్నట్లు ప్రచారం జరుగుతోంది. తెలుగు, తమిళం, హిందీ, మలయాళం, కన్నడం భాషల్లో సినిమా స్ట్రీమింగ్ కాబోతుందని తెలుస్తుంది.. ఇక ఈ సినిమాలో అఘోర పాత్రలో విశ్వక్సేన్ తన యాక్టింగ్తో అభిమానులను మెప్పించాడు. చిన్న సినిమా అయినా విజువల్స్, గ్రాఫిక్స్ అన్ని అద్భుతంగా ఉన్నాయని టాక్ ను అందుకుంది.. దాదాపుగా 22 కోట్ల గ్రాస్ ను సొంతం చేసుకుంది..
ఈ సినిమాతో భారీ సక్సెస్ ను అందుకున్న విశ్వక్ సేన్ ఇప్పుడు వరుస సినిమాలను లైన్లో పెడుతున్నాడు.. విశ్వక్సేన్ ప్రస్తుతం తెలుగులో నాలుగు సినిమాలు చేస్తున్నాడు. విశ్వక్సేన్, డైరెక్టర్ కృష్ణచైతన్య కాంబోలో గ్యాంగ్స్ ఆఫ్ గోదావరి సినిమా తెరకేక్కింది.. మే 17న విడుదల కాబోతుంది.. అలాగే రవితేజ ముళ్లపూడి అనే డైరెక్టర్ తో కొత్త సినిమా చెయ్యబోతున్నాడు. ఈ సినిమాలతో పాటుగా మరో రెండు మూడు సినిమాలు లైన్లో ఉన్నాయి..
