Yamaha Xenter E: 108KM రేంజ్తో యమహా కొత్త ఎలక్ట్రిక్ స్కూటర్.. 7.5kW మోటార్, ఫీచర్లు ఇవే!
- Follow Us :
-
-
Add as a preferred
source on google
Yamaha Xenter E: ప్రముఖ టూవీలర్ తయారీ సంస్థ యమహా (Yamaha) ఎలక్ట్రిక్ వాహనాల విభాగంలో మరో కొత్త స్కూటర్ను పరిచయం చేసింది. Xenter E పేరుతో కొత్త ఎలక్ట్రిక్ స్కూటర్ను మార్కెట్లోకి తీసుకొచ్చింది. ఆకర్షణీయమైన డిజైన్, శక్తివంతమైన ఎలక్ట్రిక్ మోటార్, మెరుగైన బ్యాటరీ సామర్థ్యంతో ఈ స్కూటర్ను రూపొందించింది. ఒక్కసారి పూర్తిగా ఛార్జ్ చేస్తే సుమారు 108 కిలోమీటర్ల వరకు ప్రయాణించవచ్చని కంపెనీ వెల్లడించింది. పనితీరు పరంగా ఈ స్కూటర్ను 125cc పెట్రోల్ స్కూటర్తో పోల్చవచ్చని యమహా పేర్కొంది.
Yamaha Xenter E డిజైన్, ఫీచర్లు
యమహా Xenter E ఎలక్ట్రిక్ స్కూటర్ను స్లిమ్ బాడీ డిజైన్తో రూపొందించారు. దీని ముందు భాగంలో దీర్ఘచతురస్రాకార (Rectangular) హెడ్ల్యాంప్ను అందించారు. స్కూటర్కు ప్రత్యేకమైన రూపాన్ని ఇచ్చేలా ఏప్రన్ డిజైన్ను రూపొందించారు. ఇందులో అల్యూమినియం స్వింగ్ఆర్మ్ను ఉపయోగించారు. 16 అంగుళాల వీల్స్ను అమర్చారు. సస్పెన్షన్ కోసం ముందు భాగంలో టెలిస్కోపిక్ ఫోర్క్స్, వెనుక భాగంలో స్వింగ్ఆర్మ్తో కూడిన షాక్ అబ్జార్బర్ను అందించారు. సురక్షితమైన బ్రేకింగ్ కోసం ముందు, వెనుక రెండు చక్రాలకు డిస్క్ బ్రేకులు ఇచ్చారు.
Also Read
- Tata Motors దూకుడు మాములుగా లేదుగా.. 10 నెలల్లోనే గతేడాది లెక్కలు తారుమారు.!
- Kove 650RR: 650cc స్పోర్ట్స్ బైక్లో ఫ్రంట్, రియర్ కెమెరాలు.. 108.7hp పవర్తో Kove 650RR ఎంట్రీ
- Toyota Innova Hycross Facelift: E100 ఇథనాల్ టెక్నాలజీతో నవంబర్ 25న కొత్త ఇన్నోవా హైక్రాస్ లాంచ్..!
- BYD Denza Z9 GT: భారత్లో BYD Denza Z9 GT లాంచ్.. 2.7 సెకన్స్ లో 100 kmph స్పీడ్, 670KM రేంజ్!
శక్తివంతమైన ఎలక్ట్రిక్ మోటార్
Yamaha Xenter Eలో 3-ఫేజ్ ఎక్సైటేషన్ ఎలక్ట్రిక్ మోటార్ను అమర్చారు. ఈ మోటార్ గరిష్టంగా 7.5kW పవర్ను, 33.3Nm టార్క్ను ఉత్పత్తి చేస్తుంది. మోటార్ను నేరుగా చాసిస్కు అమర్చడం ఈ స్కూటర్లోని మరో ప్రత్యేకత. బ్యాటరీ విషయానికి వస్తే ఇందులో 70.2Ah బ్యాటరీ ప్యాక్ను అందించారు. ఒక్కసారి పూర్తిగా ఛార్జ్ చేస్తే సుమారు 108 కిలోమీటర్ల రేంజ్ను అందిస్తుంది. బ్యాటరీని 0 నుంచి 100 శాతం వరకు ఛార్జ్ చేయడానికి సుమారు 5.5 గంటల సమయం పడుతుంది. ఈ ఎలక్ట్రిక్ స్కూటర్ ఎత్తు 790 మిల్లీమీటర్లుగా ఉంది. దీని మొత్తం బరువు సుమారు 121 కిలోగ్రాములు. 16 అంగుళాల వీల్స్, అల్యూమినియం స్వింగ్ఆర్మ్, డిస్క్ బ్రేకింగ్ సిస్టమ్ వంటి ఫీచర్లు రోజువారీ ప్రయాణాలకు అనువుగా ఉండేలా రూపొందించారు.
యమహా ఇప్పటికే భారత మార్కెట్లోనూ ఎలక్ట్రిక్ టూవీలర్ల విభాగంలో అడుగుపెట్టింది. జూలైలో Aerox-E ఎలక్ట్రిక్ స్కూటర్ను విడుదల చేసింది. పెట్రోల్తో నడిచే Aerox 155 డిజైన్ను పోలి ఉండేలా ఈ ఎలక్ట్రిక్ స్కూటర్ను రూపొందించారు. కంపెనీ అందించిన వివరాల ప్రకారం, ఇది భారత్లో యమహా రెండో ఎలక్ట్రిక్ టూవీలర్. Aerox-E ప్రధానంగా పనితీరుపై దృష్టి పెట్టి రూపొందించిన మోడల్. దీని ధర రూ.2.82 లక్షలుగా ఉంది.
Aerox-Eలో 1.5kWh డిటాచబుల్ బ్యాటరీని అందించారు. ఇందులోని ఎలక్ట్రిక్ మోటార్ గరిష్టంగా 12.9hp పవర్ను, 48Nm టార్క్ను ఉత్పత్తి చేస్తుంది. మెరుగైన పనితీరు కోసం హై ఎనర్జీ టైప్ బ్యాటరీ సెల్స్ను ఉపయోగించినట్లు యమహా తెలిపింది. ఈ స్కూటర్ ఒక్కసారి ఛార్జ్ చేస్తే IDC ప్రమాణాల ప్రకారం సుమారు 117 కిలోమీటర్ల రేంజ్ను అందిస్తుంది. రైడర్ల అవసరాలకు అనుగుణంగా Eco, Standard, Power అనే మూడు రైడింగ్ మోడ్స్ను అందించారు. అంతేకాకుండా వేగంగా ఓవర్టేక్ చేయాల్సిన సందర్భాల్లో అదనపు పవర్ను అందించేందుకు ప్రత్యేకంగా Boost మోడ్ను కూడా ఇచ్చారు. డిజైన్ పరంగా Aerox-Eలో ట్విన్ LED హెడ్ల్యాంప్స్, LED టెయిల్ ల్యాంప్ను అందించారు. స్మార్ట్ఫోన్ యాప్ ఆధారిత కనెక్టివిటీతో పాటు TFT ఇన్స్ట్రుమెంట్ క్లస్టర్ను కూడా అమర్చారు.
తాజావార్తలు
-
Yamaha Xenter E: 108KM రేంజ్తో యమహా కొత్త ఎలక్ట్రిక్ స్కూటర్.. 7.5kW మోటార్, ఫీచర్లు ఇవే!
-
ONGC Gas Leak: కోనసీమలో మరోసారి ఓఎన్జీసీ గ్యాస్ లీక్ కలకలం
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
IPL 2027: ఆల్ క్యాష్ ట్రేడ్.. సగం ధరకే రెండుసార్లు పర్పుల్ క్యాప్ విజేతను వదులుకున్న ఎస్ఆర్హెచ్!
-
Oppo Reno 17, Reno 17 Pro: 200MP కెమెరా, 8,000mAh బ్యాటరీ.. కొత్త Oppo Reno 17 సిరీస్ వచ్చేసింది!
ట్రెండింగ్
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!