Vijayakanth: అత్యంత విషమంగా విజయ్కాంత్ ఆరోగ్యం.. ఆస్పత్రి వద్ద భారీగా పోలీసుల మోహరింపు?
Vijayakanth Health Update: ప్రముఖ తమిళ నటుడు, డీఎండీకే వ్యవస్థాపకుడు, కెప్టెన్ విజయ్కాంత్ ఆరోగ్య పరిస్థితి బాగా క్షీణించినట్లు తాజాగా ఇప్పుడు వార్తలు వస్తున్నాయి. గత కొన్ని రోజులుగా చెన్నైలోని ఓ ప్రైవేటు ఆస్పత్రిలో చికిత్స పొందుతున్న ఆయన ఆరోగ్యం విషమించినట్లు రెండు రోజుల నుంచి వార్తలు వస్తున్నాయి. ముఖ్యంగా సోషల్ మీడియాలో కెప్టెన్ విజయ్ కాంత్ ఆరోగ్య పరిస్థితిపై పలు ఊహాగానాలు వస్తున్న క్రమంలో బుధవారం నాడు ఆంట్ నవంబర్ 29 ఆస్పత్రి వైద్యులు విజయ్ కాంత్ ఆరోగ్య పరిస్థితిపై హెల్త్ బులెటిన్ విడుదల చేశారు. ‘విజయకాంత్ ఆరోగ్యం క్రమంగా మెరుగుపడుతోందని, అయితే గత 24 గంటల్లో ఆయన పరిస్థితి స్థిరంగా లేదని అన్నారు. ఆయనకు పల్మనరీ చికిత్సలో సహాయం కావాలని.
NTV Film Roundup : మైసూరు వదలని చరణ్.. అమెరికాకి దేవరకొండ.. హైదారాబాద్లో మహేష్, బన్నీ!
కెప్టెన్ త్వరగా కోలుకుంటాడని ఆశిస్తున్నామని ఈ చికిత్సలో భాగంగా ఆయన ఇంకా 14 రోజుల పాటు ఆస్పత్రిలో ఉండాల్సి వస్తుందని ఆస్పత్రి వైద్యులు తెలిపారు. అదే సమయంలో ఆయన సతీమణి ప్రేమలతా విజయ్కాంత్ కూడా సోషల్ మీడియాలో ఒక వీడియోను విడుదల చేస్తూ ‘కెప్టెన్ ఆరోగ్యంగా ఉన్నారని త్వరలో పూర్తి ఆరోగ్యంతో తిరిగొస్తారు, అందరినీ కలుసుకుంటారని ఆ వీడియోలో చెప్పుకొచ్చారు. ఇక విజయ్కాంత్ ఆరోగ్య పరిస్థితి అత్యంత విషమంగా ఉందని తెలుస్తోంది. విజయ్ కాంత్ చెన్నైలోని మియాట్ ఆస్పత్రిలో చికిత్స పొందుతున్న క్రమంలో ఆస్పత్రికి డీఎండీకే నేతలు, కార్యకర్తలు చేరుకుంటున్నట్టు తెలుస్తోంది. ఇక ఈ నేపథ్యంలో మియాట్ ఆస్పత్రి దగ్గర భారీగా పోలీసుల మోహరించినట్లు చెబుతున్నారు.