NTV Film Roundup: Telugu Movie Shooting Updates 2nd December 2023: ప్రతిరోజు లాగానే ఈ రోజు కూడా టాలీవుడ్ లో జరుగుతున్న షూటింగ్ అప్డేట్స్ మీ ముందుకు తీసుకొచ్చే ప్రయత్నం చేస్తున్నాం. ప్రస్తుతానికి బడా సినిమాలన్నీ దాదాపుగా సెట్స్ మీదనే ఉన్నాయి. ముందుగా మహేష్ బాబు గుంటూరు కారం సినిమా విషయానికి వెళ్తే ఈ సినిమాకి సంబంధించిన సాంగ్ షూటింగ్ ప్రస్తుతానికి హైదరాబాద్ అన్నపూర్ణ స్టూడియోలో జరుగుతుంది. మహేష్ బాబు మీనాక్షి జంటగా ఈ సాంగ్ లో కనిపించబోతున్నారు.
Pushpa 2 Shooting Update: అల్లు అర్జున్ హీరోగా నటిస్తున్న పుష్ప 2 సినిమాకి సంబంధించిన షూటింగ్ ఖైరతాబాద్ ప్రాంతంలో జరుగుతోంది. అయితే ఈ సినిమాకి రెండు చోట్ల షూటింగ్ జరుగుతుందని చెబుతున్నారు. రామోజీ ఫిలిం సిటీ లో ఒక టీం షూట్ చేస్తుండగా ఖైరతాబాద్ ప్రాంతంలో మరో టీం షూట్ చేస్తున్నట్లు తెలుస్తోంది. అయితే అల్లు అర్జున్ కి అనారోగ్యం ఏర్పడిన నేపథ్యంలో ఆయన షూటింగ్ కి బ్రేక్ ఇచ్చినట్లుగా చెబుతున్నారు. అల్లు అర్జున్ లేని సీన్స్ ప్రస్తుతానికి షూటింగ్ జరుపుతున్నట్లుగా ప్రచారం జరుగుతోంది.
Devara Shooting Update: జూనియర్ ఎన్టీఆర్ హీరోగా కొరటాల శివ దర్శకత్వంలో తెరకెక్కుతున్న దేవర సినిమా షూటింగ్ ప్రస్తుతానికి శంషాబాద్ లో నిర్మించిన ప్రత్యేక సెట్స్ లో జరుగుతోంది. సినిమాకి సంబంధించిన చాలా కీలకమైన ఘట్టాలను ఆ ప్రాంతంలో షూటింగ్ చేస్తున్నట్లుగా తెలుస్తోంది.
Game Changer Shooting Update: రామ్ చరణ్ హీరోగా శంకర్ దర్శకత్వంలో దిల్ రాజు నిర్మిస్తున్న గేమ్ చేంజర్ సినిమా షూటింగ్ ప్రస్తుతానికి మైసూర్లో జరుగుతుంది. రామ్ చరణ్ తదితరుల మీద ఈ సినిమా షూటింగ్ జరుగుతున్నట్లుగా తెలుస్తోంది. ఈ రోజు ఉదయం 8 గంటల నుంచి రాత్రి 11 గంటల వరకు షూటింగ్ జరిగే అవకాశం ఉందని దిల్ రాజు వెల్లడించారు. అలా రేపటితో ఈ షెడ్యూల్ ముగుస్తుందని ఆయన అభిప్రాయపడ్డారు.
Family Star Shooting Update: విజయ్ దేవరకొండ హీరోగా మృణాల్ ఠాకూర్ హీరోయిన్గా పరశురామ్ దర్శకత్వంలో తెరకెక్కుతున్న ఫ్యామిలీ స్టార్ సినిమా షూటింగ్ ప్రస్తుతానికి నిలిచిపోయింది. ఢిల్లీలో షూటింగ్ పూర్తికాగా అమెరికా వెళ్లి అక్కడ షూట్ చేసేందుకు ప్రణాళికలు సిద్ధం చేస్తున్నారు. రెండు మూడు రోజుల్లో అమెరికాకి సినిమా యూనిట్ బయలుదేరే అవకాశం ఉంది.
