Suriya : సూర్య కోసం దుబాయ్ లో మకాం వేసిన వెంకీ అట్లూరి

కోలీవుడ్ స్టార్ హీరో సూర్య స్ట్రయిట్ తెలుగు సినిమా చేస్తున్న సంగతి తెలిసిందే. సార్, లక్కీ భాస్కర్ వంటి బ్లాక్ బస్టర్ సినిమాలు డైరెక్ట్ చేసిన వెంకీ అట్లూరి ఇప్పుడు సూర్యతో సినిమా చేయబోతున్నాడు. ఇందుకు సంబంధించి కథ, కథనాల చర్చలు కూడాముగిసాయి. సూర్య నటించిన తాజా చిత్రం రెట్రో మే 1 న విడుదలకు రెడీ గా ఉంది. కార్తీక్ సుబ్బరాజ్ దర్శకత్వం వహించిన ఈ సినిమాపై సూర్య చాలా ఆశలు పెట్టుకున్నాడు.

రెట్రో హంగామా ముగిశాక వెంకీ అట్లూరి సినిమా స్టార్ట్ చేసేందుకు ఏర్పాట్లు చేస్తున్నాడు సూర్య. మరోవైపు సూర్యతో సినిమాకు సంబంధించి ప్రీ ప్రొడక్షన్ పనులు స్టార్ట్ చేసాడు. వెంకీ సినిమాలకు రెగ్యూలర్ గా సంగీతం అందించే జీవి ప్రకాష్ ఇప్పడు రాబోతున్న సూర్య సినిమాకు కూడా అతనే మ్యూజిక్ బాధ్యతలు నిర్వర్తిస్తున్నాడు. తాజాగా వెంకీ, సూర్య కు సంబంధించి మ్యూజిక్ పనులు మొదలు పెట్టారు. అందుకోసం దుబాయ్ లో సిట్టింగ్స్ స్టార్ట్ చేసారు. సార్, లక్కీ భాస్కర్ కు జీవి ప్రకాష్ అందించిన సినిమా విజయంలో కీలక పాత్ర పోషించాయి. సూర్య సినిమా నుండి సరైన హిట్ సాంగ్ వచ్చి చాలా కాలం అవుతుంది. ఈ నేపథ్యంలో అద్భుతమైన సాంగ్స్ ఇచ్చేందుకు తీవ్ర కసరత్తులు చేస్తున్నారు. భాగ్యశ్రీ బోర్స్ హీరోయిన్ గా నటిస్తున్న ఈ సినిమాను టాలీవుడ్ బడా నిర్మాణ సంస్థ సితార ఎంటర్టైన్మెంట్స్ బ్యానేర్ పై నాగవంశీ నిర్మిస్తున్నాడు. త్వరలోనే మోషన్ పోస్టర్ తో అధికారికంగా ఈ సినిమాను ప్రకటించనున్నూరు మేకర్స్.