NTV Telugu Site icon

Waltair Veerayya: మూడు దశాబ్దాలు అయినా బాసులో గ్రేసు తగ్గలేదు…

Shiva Kranthi
Waltair Veerayya

Waltair Veerayya

హీరోల ఫాన్స్ దర్శకులుగా మారి తమ ఫేవరేట్ హీరోని డైరెక్ట్ చేస్తే వచ్చే కిక్కే వేరప్ప. ‘గబ్బర్ సింగ్’, ‘విక్రమ్’, ‘పేట’ సినిమాలని ఫాన్స్ కి ఫుల్ మీల్స్ ఇచ్చే రేంజులో డైరెక్ట్ చేశారు ఆ సినిమా దర్శకులు. ఇప్పుడు ఇలాంటి ఫ్యాన్ మూమెంట్స్ నే మెగా అభిమానులకి ఇవ్వడానికి రెడీ అవుతున్నాడు దర్శకుడు బాబీ. ఈ యంగ్ డైరెక్టర్ మెగాస్టార్ చిరంజీవితో ‘వాల్తేరు వీరయ్య’ సినిమా చేస్తున్న సంగతి తెలిసిందే. మైత్రి మూవీ మేకర్స్ ప్రొడ్యూస్ చేస్తున్న ఈ మూవీలో మాస్ మహారాజా రవితేజ కూడా ఒక ఇంపార్టెంట్ రోల్ ప్లే చేస్తున్నాడు. జనవరి 13న ప్రేక్షకుల ముందుకి రానున్న ఈ మూవీ నుంచి ఇప్పటికే రెండు సాంగ్స్ బయటకి వచ్చాయి. దేవి శ్రీ ప్రసాద్ మెగా అభిమానులకి ఎలాంటి సాంగ్స్ కావాలో సరిగ్గా అదే టెంపోలో రెండు సాంగ్స్ ఇచ్చాడు కానీ ఇతర హీరోల అభిమానులకి కూడా సరిపోయే రేంజ్ సాంగ్ ఇంకా బయటకి రాలేదు. అలాంటి పాటనే ఇప్పుడు బయటకి వదులుతున్నాం అంటూ మేకర్స్ అఫీషియల్ అనౌన్స్మెంట్ ఇచ్చారు.

Read Also: Chiru Balayya: 2017 హిస్టరీ రిపీట్ అవుద్దీ…

‘వీరయ్య టైటిల్ సాంగ్’ ని డిసెంబర్ 26న రిలీజ్ చేస్తున్నట్లు అనౌన్స్ చేస్తూ ట్వీట్ చేశారు, ఈ ట్వీట్ లో ఉన్న పోస్టర్ ఇప్పుడు మెగా అభిమానులకి గూస్ బంప్స్ ఇస్తుంది. చిరంజీవి గ్యాస్ లైటర్ పట్టుకున్న స్టిల్ లో వింటేజ్ చిరుని గుర్తు చేశాడు. 1991లో మెగాస్టార్ చిరంజీవి నటించిన ‘గ్యాంగ్ లీడర్’ సినిమా రిలీజ్ అయ్యింది. సూపర్ హిట్ అయిన ఈ మూవీలో చిరు గ్యాస్ లైటర్ ని పట్టుకోని కనిపిస్తాడు. అప్పట్లో మాస్ అనే పదానికే బెంచ్ మార్క్ లా ఉండే ఆ స్టిల్ ని ఇప్పుడు ‘వాల్తేరు వీరయ్య’ సినిమాలో చూపించబోతున్నాడు బాబీ. ఈ వింటేజ్ వైబ్స్ ఉన్న పోస్టర్ ని చూడగానే ‘మూడు దశాబ్దాలు దాటినా బాసులో ఇంకా గ్రేసు తగ్గలేదు’ అంటూ కామెంట్స్ చేస్తున్నారు. మరి పోస్టర్ తోనే గూస్ బంప్స్ ఇచ్చిన బాబీ అండ్ టీం డిసెంబర్ 26న ‘వీరయ్య టైటిల్ సాంగ్’తో ఇంకెలాంటి సెన్సేషన్ క్రియేట్ చేస్తారో చూడాలి.

Read Also:Chiru: ‘వాల్తేరు వీరయ్య’లో రెండు ఐకానిక్ సీన్స్…