Vedhika: వేయడానికి 3 గంటలు.. తీయడానికి 2 గంటలు.. ‘యక్షిణి’ కష్టాలు బయటపెట్టిన వేదిక
ముని అనే సినిమాతో తెలుగు తెరకు పరిచయమైన బ్యూటీ వేదిక. ఈ సినిమా తరువాత విజయదశమి, బాణం సినిమాలతో తెలుగువారికి సుపరిచితమే. ఇందులో బాణం సినిమా అమ్మడికి మంచి పేరు తెచ్చి పెట్టింది. ఇక ఈ సినిమా మంచి విజయాన్ని అయితే అందుకుంది కానీ, వేదికకు మాత్రం అవకాశాలు రాలేదు. అడపాదడపా తెలుగులో కనిపించిన ఆమె .. కోలీవుడ్, మాలీవుడ్ లో మంచి పేరు తెచ్చుకుంది. ఇక ఈ మధ్యకాలంలో వేదిక ఒక్క తెలుగు సినిమాలో కనిపించింది లేదు. అయితేనేం అమ్మడి సోషల్ మీడియాలో చేసే రచ్చ అంతా ఇంతా కాదు. ఆమె తెలుగు ప్రాజెక్టులకు కాస్త బ్రేక్ ఇచ్చింది. ఇక తాజాగా బాహుబలి మేకర్లైన శోభు యార్లగడ్డ, ఆర్కా మీడియా అధినేత ప్రసాద్ దేవినేని నిర్మించిన ప్రాజెక్ట్ ‘యక్షిణి’తో ఆమె తెలుగు ప్రేక్షకుల ముందుకు మాత్రమే కాదు ఏకంగా పాన్ ఇండియన్ ప్రేక్షకుల ముందుకు వచ్చేసింది.
Tamil Star Hero: దర్శన్ లాగే జర్నలిస్టును చంపి జైలుకెళ్లిన తమిళ ‘సూపర్ స్టార్’.. ఆ కథ ఏంటో తెలుసా?
ఇక ఈ సిరీస్ ఇప్పటికే డిస్నీ ప్లస్ హాట్ స్టార్ లో స్ట్రీమ్ అవుతోంది. ఈ వెబ్ సిరీస్తో మరోసారి వేదిక తన నట విశ్వరూపాన్ని చూపించారని చెప్పొచ్చు. తేజ మర్ని ఈ ‘యక్షిణి’ని తెరకెక్కించారు. ఈ వెబ్ సిరీస్లో యక్షిణిగా వేదిక కనిపించి ఆకట్టుకుంది. ఇది వరకు వచ్చిన సోషియో ఫాంటసీ చిత్రాలకు భిన్నంగా ఈ వెబ్ సిరీస్ ఉంది. తెలుగు, తమిళ, కన్నడ, మలయాళ, హిందీ భాషల్లో ఈ వెబ్ సిరీస్ అందుబాటులో ఉంది. ఈ వెబ్ సిరీస్ అందరినీ ఆకట్టుకుంటూ ఇప్పుడు హాట్ స్టార్లో ట్రెండ్ అవుతోంది. అదలా ఉంచితే ఇందులో యక్షిణిగా మేకప్ వేసుకునేప్పుడు ఆమె పడిన కష్టాలను చెబుతూ ఒక బిహైండ్ ది సీన్ వీడియో షేర్ చేసింది. అందులో ఆమె వేయడానికి 3 గంటలు.. తీయడానికి 2 గంటలు అంటూ తన మేకప్ కష్టాలు చెప్పుకొచ్చింది.