VarunLav: నేడు దీపాల వెలుగులతో ఇండియా కళకళలాడుతోంది. ప్రతిఒక్కరు తమ జీవితాల్లోని చెడును వదిలి మంచిని ఆహ్వానిస్తూ దీపాలు వెలిగిస్తున్నారు. ప్రజలతో పాటు సెలబ్రిటీలు కూడా దివాళీని సెలబ్రేట్ చేసుకుంటూ ఆ ఆనంద క్షణాలను సోషల్ మీడియాలో షేర్ చేస్తున్నారు. తమ అభిమాన హీరోల పండగ ఫోటోలు చూసి ఫ్యాన్స్ మరింత పండగచేసుకుంటున్నారు. ఇక మెగా ఫ్యామిలీలో ఈ మధ్యనే కొత్త కోడలు ఎంటర్ అయిన విషయం తెల్సిందే. మెగా ప్రిన్స్ వరుణ్ తేజ్, హీరోయిన్ లావణ్య త్రిపాఠి ప్రేమించి పెళ్లి చేసుకున్నారు. నవంబర్ 1 న వీరి పెళ్లి ఇటలీలో జరిగింది. ఇక కోడలిగా అడుగుపెట్టిన తరువాత లావణ్యకు ఇది మొదటి పండగ. దీంతో ఈ పండగను చాలా గ్రాండ్ గా చేశారని తెలుస్తోంది. మెగా కోడలిగా నేడు లావణ్య అమ్మవారికి పూజ చేసి పెద్దల ఆశీర్వాదాలు తీసుకున్నట్లు తెలుస్తోంది.
NTR: ఇదిరా.. పండగ పోస్టర్ అంటే.. కళ్లు అన్ని అతడిపైనే
ఇక ఈ పండగ వాతావరణంలో తీసుకున్న ఫొటోస్ ను వరుణ్.. అభిమానులతో పంచుకున్నాడు. వరుణ్- లావణ్య పండగ దుస్తుల్లో చూడముచ్చటగా ఉన్నారు. మెగా బ్రదర్ నాగబాబు కుటుంబంతో కలిసి దిగిన ఫోటో కూడా వైరల్ గా మారింది. లైట్ పర్పుల్ కలర్ చీరలో లావణ్య.. డిజైనర్ కుర్తాలో వరుణ్, బ్లూ కలర్ హుడీలో నాగబాబు కనిపించగా.. రెడ్ కలర్ చీరలో మెగా డాటర్ మెరిసిపోయింది. ఈ ఫోటోలను షేర్ చేస్తూ అభిమానులకు దీపావళీ శుభాకాంక్షలు తెలిపారు. ఏది ఏమైనా మెగా కోడలి మొదటి దీపావళీ అత్తవారింట ఎంతో అద్భుతంగా జరగడంతో.. అభిమానులు నిండు నూరేళ్లు ఇలాగే సంతోషంగా ఉండాలి అని కామెంట్స్ పెడుతున్నారు.