Vande Mataram: వాఘా బోర్డర్ లో వందేమాతరం లాంచ్
Varun Tej Vandemataram Song Released: మెగా ప్రిన్స్ వరుణ్ తేజ్ ఎయిర్ ఫోర్స్ యాక్షన్ అడ్వెంచర్ ‘ఆపరేషన్ వాలెంటైన్’ ఫస్ట్ సింగిల్ ‘వందేమాతరం’ అమృతసర్లోని ఐకానిక్ వాఘా సరిహద్దులో లాంచ్ చేసిన మొట్టమొదటి తెలుగు పాటగా చరిత్ర సృష్టించింది. ఫస్ట్ స్ట్రైక్ వీడియో అద్భుతమైన రెస్పాన్స్ తెచ్చుకున్న తరువాత, ఈ పాటను రిపబ్లిక్ డే వీక్ లో వరుణ్ తేజ్, మానుషి చిల్లార్తో సహా మొత్తం టీమ్ సమక్షంలో లాంచ్ చేశారు. టైటిల్ సూచించినట్లుగా వందేమాతరం దేశ స్ఫూర్తిని చాటే ఒక దేశభక్తి గీతం. వైమానిక దళ సైన్యం పెద్ద యుద్ధానికి సిద్ధమవుతున్నట్లు చూపే ఈ పాట తమ దేశ రక్షణకు పోరాడే ధైర్యవంతులందరికీ నివాళి. ఈ పాట ఉత్తేజాన్ని కలిగిస్తూ, గర్వంగా నిలబడేలా స్ఫూర్తిని కలిగించేలా ఉంది. ఈ సినిమాతో హిందీలో అరంగేట్రం చేస్తున్న వరుణ్ తేజ్ ఈ పాటలో యూనిఫాంలో ఫిట్గా, అద్భుతంగా కనిపించారు.
Captain Miller Trailer: ధనుష్ నట విశ్వరూపం.. ట్రైలర్ మాత్రం అరాచకం
తెలుగులో అరంగేట్రం చేస్తున్న మానుషి చిల్లర్ యుద్ధంలో ఉన్న తన బాయ్ ఫ్రెండ్ (వరుణ్ తేజ్) గురించి ఆందోళన చెందే రాడార్ ఆఫీసర్గా కనిపించింది. సరస్వతీపుత్ర రామజోగయ్య శాస్త్రి సాహిత్యం శక్తివంతమైన పదాలతో కూడి ఉత్తేజం, ఉత్సాహం నింపింది. మిక్కీ జె. మేయర్ సంగీతం అందించిన ఈ పాటను తెలుగులో అనురాగ్ కులకర్ణి, హిందీలో సుఖ్వీందర్ సింగ్ చక్కగా పాడారు. అద్భుతమైన కంపోజిషన్, దేశభక్తి పంక్తులు, మంత్రముగ్ధులను చేసే వోకల్స్, కట్టిపడేసి విజువల్స్ తో వందేమాతరం పాట బ్లాక్ బస్టర్ నంబర్ అయ్యేలా కనిపిస్తోంది. ఆపరేషన్ వాలెంటైన్’ సినిమాను సోనీ పిక్చర్స్ ఇంటర్నేషనల్ ప్రొడక్షన్స్, రినైసన్స్ పిక్చర్స్ సందీప్ ముద్ద నిర్మించారు. నందకుమార్ అబ్బినేని, గాడ్ బ్లెస్ ఎంటర్టైన్మెంట్ (వకీల్ ఖాన్) సహా నిర్మాతలుగా వ్యవహరిస్తున్న ఈ సినిమాకి శక్తి ప్రతాప్ సింగ్ హడా దర్శకత్వం వహిస్తున్నారు. ఇక ఈ సినిమా తెలుగు, హిందీలో ఫిబ్రవరి 16 న విడుదల కానుంది.