NTR: చిత్ర పరిశ్రమలో ఒక హీరోను అనుకోని కథ రాసుకోవడం.. కొన్ని కారణాల వలన వేరే హీరోలతో తీయడం డైరెక్టర్స్ కు సాధారణంగా జరుగుతూనే ఉంటాయి. కానీ.. సినిమా రిలీజ్ అయ్యాకా హిట్, ప్లాప్ ను పక్కన పెడితే ఈ హీరో బదులు ఆ హీరో చేసి ఉంటే సినిమా ఎలా ఉండేదో అనే ఆలోచన వస్తూ ఉంటుంది. కాగా, బన్నీ కెరీర్ లో బిగ్గెస్ట్ డిజాస్టర్ అని చెప్పకపోయినా పరాజయం పాలైన సినిమాల్లో నా పేరు సూర్య నా ఇల్లు ఇండియా ఒకటి. వక్కంతం వంశీ రచయిత నుంచి డైరెక్టర్ గా మార్చిన సినిమా ఇది.
ఇండియన్ ఆర్మీ నేపథ్యంలో దేశం కోసం తన జీవితాన్ని సైతం త్యాగం చేసిన ఒక యువకుడు కథ. ఈ సినిమా విషయాలను తాజాగా వక్కంతం వంశీ ఒక టాక్ షో లో సినిమా గురించి ఆసక్తికార విషయాలను పంచుకున్నాడు. మొదట ఈ సినిమాకు హీరోగా అల్లు అర్జున్ ను అనుకోలేదట.. ఎన్టీఆర్ తో ఈ సినిమా తీయాలనుకున్నాడట. ఇండస్ట్రీకి తనను ఎన్టీఆరే డైరెక్టర్ గా పరిచయం చేస్తాను అన్నాడని, కానీ కొన్ని అనుకోని కారణాల వలన ఈ ప్రాజెక్ట్ బన్నీ చేతిలోకి వెళ్లిందని చెప్పుకొచ్చాడు. ఇక ఈ విషయం తెలియడంతో బన్నీ ప్లస్ లో తారక్ ను ఉహించుకుంటున్నారు అభిమానులు. ఒకవేళ తారక్ కనుక ఈ సినిమా చేసిఉంటే రిజల్ట్ ఎలా ఉండేదో అని ఆలోచిస్తున్నారు.