Leo: త్రిష ఫస్ట్ లుక్ ఇలా రిలీజ్ చేశారేంటి గురూ?

లోకేష్ కనగరాజ్, దళపతి విజయ్ కాంబినేషన్ లో అక్టోబర్ 19న రిలీజ్ కానున్న లియో మూవీ… టాక్ ఆఫ్ ది ఇండస్ట్రీగా మారింది. మాస్టర్ సినిమా తర్వాత రిపీట్ అవుతున్న ఈ కాంబినేషన్ సోషల్ మీడియాలో టెంపరేచర్ పెంచుతూ ఉంది. లియో ట్రైలర్ రిలీజ్ మరి కొన్ని గంటల్లో ఉండడంతో #Leo ట్యాగ్ తో పాటు #Trisha ట్యాగ్ కూడా సోషల్ మీడియాలో వైరల్ అవుతోంది. ఇప్పటివరకూ అర్జున్ సర్జా, సంజయ్ దత్, విజయ్, లియో ట్రైలర్ పోస్టర్స్ మాత్రమే రిలీజ్ చేసిన మేకర్స్ లేటెస్ట్ గా త్రిష ఫస్ట్ లుక్ పోస్టర్ ని రిలీజ్ చేసారు. ఈ పోస్టర్ లో త్రిష కూల్ గా కాకుండా లోకేష్ సినిమాటిక్ స్టైల్ లో భయపడుతూ ఉంది. ఈ పోస్టర్ బయటకి రావడంతో దళపతి విజయ్ ఫ్యాన్స్ అండ్ త్రిష ఫ్యాన్స్ సోషల్ మీడియాలో #Trisha ట్యాగ్ ని ట్రెండ్ చేస్తున్నారు. త్రిషని విజయ్ పక్కన హీరోయిన్ గా చూడడానికి 14 ఏళ్లుగా కోలీవుడ్ సినీ అభిమానులు ఎదురు చూస్తూనే ఉన్నారు. ఈ వెయిటింగ్ కి ఎండ్ కార్డ్ వేస్తూ లియో సినిమా రాబోతుంది. అసలు విజయ్-త్రిషాల కాంబినేషన్ కోసం ఫాన్స్ అంతగా వెయిట్ చెయ్యడానికి కారణం ఏంటా అని చూస్తే… ఈ ఇద్దరి కాంబినేషన్ లో సూపర్ హిట్ సినిమాలు వచ్చాయి.

ఒకటి కాదు రెండు కాదు నాలుగు సినిమాల్లో విజయ్-త్రిష కలిసి నటించారు. నాలుగులో మూడు సూపర్ హిట్స్ ఇచ్చిన విజయ్-త్రిషలు హిట్ పెయిర్ గా నిలిచిపోయారు. ఒక్కడు రీమేక్ ‘గిల్లీ’, అతనొక్కడే రీమేక్ ‘ఆది’, ‘తిరుపాచ్చి’ సినిమాలు విజయ్ కెరీర్ లో చాలా స్పెషల్. ముఖ్యంగా గిల్లీ సినిమా విజయ్ ని ఈ జనరేషన్ స్టార్ లీగ్ లోకి తెచ్చింది. ఈ మూవీలో విజయ్-త్రిష కెమిస్ట్రీ, కామెడీ, డాన్స్ కి ఆడియన్స్ ఫిదా అయ్యారు. చివరగా 2008లో ఈ హీరో-హీరోయిన్ కాంబినేషన్ లో ‘కురువి’ అనే సినిమా వచ్చింది. ఈ మూవీ యావరేజ్ గా నిలిచింది. అప్పటినుంచి విజయ్-త్రిష కలిసి సినిమా చెయ్యలేదు. మళ్లీ 14 ఏళ్ల తర్వాత ఇప్పుడు లియో సినిమాలో ఈ ఇద్దరూ కలిసి నటిస్తున్నారు. మరి ఆ వింటేజ్ వైబ్స్ ని విజయ్-త్రిష లియో సినిమాతో మరోసారి ఇస్తారేమో చూడాలి.

The most-awaited @trishtrashers from #Leo💥#LeoTrailer is releasing Today 💥@actorvijay @Dir_Lokesh @trishtrashers @anirudhofficial @duttsanjay @akarjunofficial @7screenstudio @Jagadishbliss @SonyMusicSouth #LeoTrailer pic.twitter.com/0jjrbMKjH0

— Sun TV (@SunTV) October 5, 2023