పాన్ ఇండియా బిగ్గెస్ట్ స్టార్ హీరో ప్రభాస్, టాలీవుడ్ సూపర్ స్టార్ మహేశ్ బాబుల ఫ్యాన్ ఫాలోయింగ్ గురించి స్పెషల్ గా చెప్పాల్సిన అవసరమే లేదు. తమ సినిమాలతో ఇండస్ట్రీ రికార్డులని తిరగరాసే ఈ ఇద్దరు స్టార్ హీరోలు బాక్సాఫీస్ దగ్గర అతితక్కువ సార్లు ఫెయిల్ అవుతూ ఉంటారు. ఏ సినిమా చేసినా ఏ దర్శకుడితో చేసినా రీజనల్ సినిమా బాక్సాఫీస్ లెక్కలు మార్చేసే ప్రభాస్, మహేశ్ ల మధ్య బిగ్గెస్ట్ బాక్సాఫీస్ ఫైట్ కి రంగం సిద్ధమయ్యింది. టాలీవుడ్ హిస్టరీలోనే ముందెన్నడూ చూడనంత బిగ్గెస్ట్ ఫైట్ 2024 సంక్రాంతికి జరగనుంది. ప్రభాస్ నటిస్తున్న ‘ప్రాజెక్ట్ K’, మహేశ్ బాబు నటిస్తున్న ‘SSMB 28’ సినిమాలు కేవలం ఒక్క రోజు గ్యాప్ తోనే ఆడియన్స్ ముందుకి రానున్నాయి. హ్యుజ్ బడ్జట్ తో, భారి స్టార్ కాస్ట్ తో రూపొందుతున్న ఈ రెండు సినిమాలపై ఆకాశాన్ని తాకే రేంజులో అంచనాలు ఉన్నాయి. రిజల్ట్ తో సంబంధం లేకుండా ఫస్ట్ డే సెన్సేషనల్ నంబర్స్ ని ప్రాజెక్ట్ K, SSMB 28 సినిమాలు రాబట్టగలవు.
ప్రభాస్, నాగ్ అశ్విన్ లు కలిసి సైన్స్ ఫిక్షన్ జానర్ లో సినిమా చేస్తుంటే మహేశ్ బాబు, త్రివిక్రమ్ లు కలిసి కమర్షియల్ సినిమా చేస్తున్నారు. సింగల్ లాంగ్వేజ్ సినిమాలతోనే రీజనల్ బాక్సాఫీస్ దగ్గర సాలిడ్ నంబర్స్ ని రాబట్టడం మహేశ్ బాబు సొంతం. ఏ స్టార్ కూడా మహేశ్ బాబుకి ఉన్నంత స్ట్రాంగ్ రీజనల్ రికార్డ్స్ లేవు. నాన్-బాహుబలి రికార్డ్స్ ని క్రియేట్ చేసిన మొదటి హీరో మహేశ్ బాబునే. ఇక ప్రభాస్ విషయానికి వస్తే గత పదేళ్లలో తెలుగు హీరోలకే కాదు ఏ ఇండియన్ హీరోకి లేనంత రీచ్ అండ్ బాక్సాఫీస్ హిస్టరీ ప్రభాస్ సొంతం. పాన్ ఇండియా మార్కెట్ లో ఫ్లాప్ అయిన సాహో లాంటి సినిమాతో కూడా 350 కోట్లు కలెక్ట్ చెయ్యడం ప్రభాస్ బాక్సాఫీస్ స్టామినాకి నిదర్శనం. సింపుల్ గా చెప్పాలి అంటే ఇది క్లాష్ ఆఫ్ టైటాన్స్, ఎల్ క్లాసికో లాంటి ఫైట్. ఇంతటి స్టార్ ఇమేజ్ అండ్ క్రౌడ్ పుల్లింగ్ కెపాసిటీ ఉన్న ప్రభాస్, మహేశ్ బాబులు 2024 సంక్రాంతికి ఎలాంటి సెన్సేషన్ క్రియేట్ చేస్తారు? ఎవరు ఎంత పెద్ద హిట్ కొడతారు అనేది రాబోయే రోజుల్లో ఇంటరెస్టింగ్ ఫైట్ గా ఉండబోతుంది.