Tiger Nageswara Rao: ఆ లిరిక్స్.. మాస్ మహారాజా కటౌట్.. పర్ఫెక్ట్ సింక్ రా

Tiger Nageswara Rao:మాస్ మహారాజా రవితేజ ప్రస్తుతం వరుస సినిమాలతో బిజీగా ఉన్న విషయం తెలిసిందే. రవితేజ కెరీర్ లోనే భారీ బడ్జెట్ తో తెరకెక్కుతున్న చిత్రం టైగర్ నాగేశ్వరరావు. పాన్ ఇండియా రేంజ్ లో తెరకెక్కుతున్న ఈ చిత్రానికి వంశీ దర్శకత్వం వహిస్తుండగా అభిషేక్ అగర్వాల్ ఆర్ట్స్ బ్యానర్ పై అభిషేక అగర్వాల్ నిర్మిస్తున్నాడు. స్టువర్టుపురం గజదొంగ టైగర్ నాగేశ్వరరావు బయోపిక్ గా ఈ చిత్రాన్ని రూపొందిస్తున్నాడు వంశీ. ఇక ఈ చిత్రంలో రవితేజ సరసన నుపూర్ సనన్ హీరోయిన్ గా నటిస్తుండగా రేణు దేశాయ్ ఒక ప్రత్యేకమైన పాత్రలో కనిపించబోతుంది. ఇప్పటికే ఈ చిత్రం నుంచి రిలీజ్ అయిన పోస్టర్స్, టీజర్, సాంగ్ ప్రేక్షకులను విశేషంగా ఆకట్టుకున్నాయి.

NTR: మాస్.. టెర్రిఫిక్.. ఇలాంటి పదాలు సరిపోవేమో.. దేవరకు దండం పెట్టడమే

ఇక తాజాగా ఈ చిత్రం నుంచి మరో లిరికల్ సాంగ్ ను మేకర్స్ రిలీజ్ చేశారు. వీడు అంటూ సాగే ఈ సాంగ్ ఆద్యంతం ఆకట్టుకుంటుంది. ఈ సాంగ్ లో హీరో క్యారెక్టర్ ను పవర్ ను ఫుల్ గా ఎలివేట్ చేసినట్లు కనిపించింది. లిరిక్స్ కూడా సినిమాలోనే కాకుండా బయట మాస్ మహారాజా రవితేజ కటౌట్ కి ఏ మాత్రం తగ్గకుండా ఉన్నాయని చెప్పాలి. చంద్రబోస్ రాసిన పవర్ఫుల్ లిరిక్స్ కు రవితేజ కటౌట్ కు ఈ సాంగ్ పర్ఫెక్ట్ సింక్ అయ్యిందని అభిమానులు చెప్పుకొస్తున్నారు. ఇక జీవి ప్రకాష్ మ్యూజిక్.. అనురాగ్ కులకర్ణి మెస్మరైజింగ్ వాయిస్ వేరే లెవల్ కు తీసుకెళ్లాయి. ప్రస్తుతం ఈ పాట నెట్టింట వైరల్ గా మారింది. ఇకపోతే ఈ సినిమా అక్టోబర్ 20న గ్రాండ్ గా రిలీజ్ కానుంది. మరి ఈ చిత్రంతో రవితేజ ఎలాంటి విజయాన్ని అందుకుంటాడో చూడాలి.