Thiruveer: చ‌క్క‌టి హావ భావాలు, న‌ట‌న‌తో యాక్ట‌ర్‌గా త‌న‌దైన గుర్తింపును సంపాదించుకున్నాడు తిరువీర్.. ప‌రేషాన్‌, జార్జ్ రెడ్డి, ప‌లాస 1978, మ‌సూద వంటి వైవిధ్య‌మైన చిత్రాల్లో న‌టించి మెప్పించిన ఈ యంగ్ హీరో విజయాపజయాలను పట్టించుకోకుండా వరుస సినిమాలతో బిజీగా మారాడు. ప్ర‌స్తుతం మ‌ల్టీపుల్ ప్రాజెక్ట్స్‌తో బిజీగా ఉన్న తిరువీర్ తన కొత్త చిత్రాన్ని అధికారికంగా ప్రకటించాడు. మూన్ షైన్ పిక్చ‌ర్స్ బ్యాన‌ర్‌పై సాయి మ‌హేష్ చందు, సాయి శ‌శాంక్ ఈ చిత్రాన్ని నిర్మిస్తున్నారు. రాజ్ విరాట్ దర్శకత్వం వహించిన ఈ సినిమాలో తిరువీర్ సరసన ద్రిష్టి త‌ల్వార్ హీరోయిన్‌గా న‌టిస్తోంది. తాజాగా ఈ సినిమాకు సంబంధించిన ఒక కాన్సెప్ట్ పోస్టర్ ను మేకర్స్ రిలీజ్ చేశారు.
Apsara Rani: ఆర్జీవీ కలల రాణి ఏంటీ.. ఇలా మారిపోయింది
రెండు వేర్వేరు ప్ర‌పంచాలు క‌ల‌యిక‌గా యూనిక్‌నెస్‌తో కాన్సెప్ట్ పోస్టర్ ఆక‌ట్టుకుంటోంది. డార్క్ కామెడీ జోన‌ర్‌లో ఔట్ అండ్ ఔట్ ఎంట‌ర్‌టైన‌ర్‌గా ఈ చిత్రం ప్రేక్ష‌కుల‌ను మెప్పిస్తుంద‌ని నిర్మాత‌లు తెలిపారు. తిరువీర్ మ‌రో విల‌క్ష‌ణ‌మైన పాత్ర‌లో కనిపించనున్నాడు. త్వ‌ర‌లోనే షూటింగ్ జ‌రుపుకోనున్న ఈ సినిమా టైటిల్ ఇంకా ఖరారు కాలేదు. ఈ చిత్రానికి సంబంధించిన మ‌రిన్ని వివ‌రాల‌ను త్వ‌ర‌లోనే తెలియ‌జేస్తామ‌ని చిత్ర యూనిట్ స‌భ్యులు తెలిపారు. లియోన్ జేమ్స్ సంగీత సార‌థ్యం వ‌హించ‌నున్న ఈ చిత్రానికి సుజాత సిద్ధార్థ్ సినిమాటోగ్ర‌ఫీ అందిస్తున్నారు. ఛోటా కె.ప్ర‌సాద్ ఎడిట‌ర్‌గా వ‌ర్క్ చేయ‌నున్నారు. మరి ఈ సినిమాతో తిరువీర్ ఎలాంటి విజయాన్ని అందుకుంటాడో చూడాలి.
