‘RRR’ ట్రైలర్ కి డేట్ ఫిక్స్.. పూనకాల జాతర షూరూ చేసిన జక్కన్న
- Follow Us :
-
-
Add as a preferred
source on google
ప్రపంచవ్యాప్తంగా సినీ అభిమానులందరూ వేయికళ్లతో ఎదురుచూస్తున్న సినిమా ‘ట్రిపుల్ ఆర్’. టాలీవుడ్ స్టార్ హీరోలు రామ్ చరణ్, జూ. ఎన్టీఆర్ మల్టీస్టారర్ గా దర్శక ధీరుడు రాజమౌళి దర్శకత్వంలో తెరకెక్కుతున్న ఈ చిత్రంపై అభిమానులు భారీ అంచనాలు పెట్టుకున్నారు. ఇప్పటికే ఈ సినిమా నుంచి విడుదలైన టీజర్, సాంగ్స్ రికార్డులను బద్దలు కొడుతున్న సంగతి తెల్సిందే. ఇక తాజాగా అభిమానులందరు పూనకాలతో ఊగిపోయే అప్ డేట్ ని ‘ట్రిపుల్ ఆర్’ బృందం తెలిపింది. ఈ సినిమా ట్రైలర్ ని డిసెంబర్ 3 న రిలీజ్ చేస్తున్నట్లు మేకర్స్ ప్రకటించారు.
‘బిగ్గెస్ట్ బ్లాస్ట్ కోసం సిద్ధంగా ఉండండి. ప్రశాంతత లేదు.. ఇక సెలబ్రేషన్స్ ప్రారంభించండి’ అని తెలుపుతూ సరికొత్త పోస్టర్ ని రిలీజ్ చేశారు. ఇక ఈ పోస్టర్ ఎంతో ఆసక్తికరంగా ఉంది. జననీ సాంగ్ లో ఉన్న అందరి లుక్ ని కలగలుపుతూ వారి ఎమోషన్స్ ఎలివేట్ చేస్తూ ఉన్న ఈ పోస్టర్ ప్రస్తుతం నెట్టింట వైరల్ గా మారింది. సంక్రాంతి కానుకగా జనవరి 7 న ఈ సినిమా థియేటర్లలో రిలీజ్ కానుంది. ఇక ఈ చిత్రంలో రామ్ చరణ్ అల్లూరి సీతారామరాజు పాత్రలో కనిపిస్తుండగా.. ఎన్టీఆర్ కొమరం భీమ్ గా సందడి చేయనున్నాడు. చెర్రీకి జోడిగా అలియా కనిపిస్తుండగా, తారక్ కి జోడిగా ఒలియా మోరిస్ నటిస్తోంది.మరి ఈ సినిమాతో ఇంకెన్ని రికార్డులను జక్కన్న బద్దలుకొడతాడో చూడాలి.