The Grate Indian Suicide Trailer: రామ్ కార్తీక్, హెబ్బా పటేల్ జంటగా విప్లవ్ కోనేటి దర్శకత్వంలో తెరకెక్కిన చిత్రం ది గ్రేట్ ఇండియన్ సూసైడ్. గతేడాది తెలిసినవాళ్ళు అనే టైటిల్ తో వచ్చిన ఈ సినిమాకు టైటిల్ చేంజ్ చేసి ది గ్రేట్ ఇండియన్ సూసైడ్ గా మార్చారు. ఇక ఈ సినిమా అక్టోబర్ 6 న ఆహాలో స్ట్రీమింగ్ కానుంది. గతేడాది దేశం మొత్తం షేక్ చేసిన మాస్ సూసైడ్ గురించి అందరికి తెలిసిందే. చనిపోయిన తండ్రి బతికి వస్తాడని మూఢనమ్మకంతో ఒక కుటుంబం మొత్తం మాస్ సూసైడ్ చేసుకొని మృతిచెందింది. ఈ సంఘటన ఆధారంగా ఎన్నో సినిమాలు, వెబ్ సిరీస్ లు, డాక్యుమెంటరీలు కూడా వచ్చాయి. ఇక ఈ స్టోరీ కూడా దాదాపు అలానే ఉందని ట్రైలర్ ను బట్టి చెప్పొచ్చు. హెబ్బా పటేల్ ది ఉమ్మడి కుటుంబం. పెదనాన్న, పెద్దమ్మ, అమ్మ, నాన్న, తమ్ముడు.. ఇక ఒక కారు ప్రమాదంలో పెద్దనాన్న అయిన నరేష్ చనిపోతాడు. అప్పటినుంచి ఆ కుటుంబంలో మనశ్శాంతి కరువవుతుంది. నిత్యం నరేష్ .. నన్ను బతికించండి అంటూ ఇంట్లోవారికి చెప్తున్నట్లు చూపించారు.
Thalaivar170: ఏందయ్యా ఇది.. సినిమా తీస్తున్నారా.. స్టార్ క్యాంపైన్ చేస్తున్నారా.. ?
ఇక ఇంకోపక్క హెబ్బాను రామ్ కార్తీక్ ప్రేమిస్తాడు. త్వరలోనే పెళ్లి చేసుకోబోతున్నాడు అన్న తరుణంలో పెద్దనాన్న చనిపోతాడు. ఇక ఆ కుటుంబం మొట్ట పూజలు చేయించి.. నరేష్ బతికి రావాలంటే.. ఇంట్లో ఉన్నవారందరూ కలిసి కట్టుగా ఆత్మహత్య చేసుకోవాలని చెప్పడంతో రామ్ కార్తీక్ షాక్ అవుతాడు. తనకు ఇష్టం లేకున్నా.. ఆ కుటుంబాన్ని కాపాడడానికి అతను కూడా ఆత్మహత్య చేసుకోవడంలో భాగమవుతాడు. అయితే చివరికి ఈ మాస్ సూసైడ్ ను అతను ఆపాడా.. ? లేక వారితో పాటు అతను చనిపోయాడా.. ? ఈ మూఢ నమ్మకం వెనుక ఉన్న అసలు హస్తం ఎవరిది.. ? అనేది సినిమా చూసి తెలుసుకోవాల్సిందే. ఇక ఇందులో నరేష్ – పవిత్ర మరోసారి జంటగా కనిపించారు. హెబ్బా తన నటనతో ఆకట్టుకుంటుంది. మరి ఈ సినిమా ప్రేక్షకులకు ఎలాంటి థ్రిల్ల్ ను కలిగిస్తుందో చూడాలి.
